ახალი ამბები
ბრიფინგზე ვაშაძემ ოპოზიციურ ტელევიზია "მთავარ არხსა" და არხის ტელეწამყვან გიორგი გაბუნიას სოლიდარობა გამოუცხადა და ხელისუფლებისგან დანაშაულთან დაკავშირებული მასალების სწრაფი გასაჯაროება მოითხოვა. მისი თქმით, საჯაროობა აუცილებელია, რადგან მოსახლეობის ნდობა "ქართული ოცნების" მმართველობის მიმართ ნულია.
ვაშაძე, აგრეთვე, მოითხოვს გამოძიებაში საქართველოს მთავარი მოკავშირეების შესაბამისი უწყებები ჩართონ.
მედიაში 15 ივნისს გავრცელდა ინფორმაცია იმის შესახებ, რომ ეთნიკურად ინგუში რუსეთის მოქალაქე, ვასამბეკ ბოკოვი გაბუნიას ლიკვიდაციას გეგმავდა. იგივე დაადასტურა არხის დირექტორმა ნიკა გვარამიამ. არსებული ინფორმაციით, ტელეწამყვანის მკვლელობა რუსეთის ფედერაციაში შემავალი რესპუბლიკის ლიდერმა, რამზან კადიროვმა შეუკვეთა. ამის მიზეზად გასული წლის ივლისში გაბუნიას მიერ პირდაპირ ეთერში პუტინის დედის გინება სახელდება. რუსეთის პრეზიდენტის დედის გინების შემდეგ წამყვანს ჩეჩნეთის ლიდერის გარდა, რუსი ბლოგერიც დაემუქრა.
მოგვიანებით სახელმწიფო უსაფრთხოების სამსახურმა განცხადება გაავრცელა, სადაც წერია, რომ სუს-ის კონტრტერორისტული ცენტის მიერ, ყალბი დოკუმენტის შეძენა-შენახვისა და გამოყენების ბრალდებით, საქართველოს სისხლის სამართლის კოდექსის 362-ე მუხლის პირველი ნაწილით დაკავებულია რუსეთის ფედერაციის მოქალაქე.
ბრალდებული ვ.ბ.-ს დაკავება განხორციელდა შეკვეთით განზრახ მკვლელობის მომზადების ფაქტზე დაწყებული სისხლის სამართლის საქმის გამოძიების ფარგლებში, რომელსაც სახელმწიფო უსაფრთხოების სამსახურის კონტრტერორისტული ცენტრი, შესაბამისი ოპერატიული ინფორმაციის საფუძველზე აწარმოებდა.
გრიგოლ ვაშაძე გაბუნიას ლიკვიდაციის მცდელობაზე მასალების გასაჯაროებას ითხოვს
12:26 / 16.06.2020
პარტია "ერთიანი ნაციონალური მოძრაობის"
თავმჯდომარე, გრიგოლ ვაშაძე ჟურნალისტ გიორგი გაბუნიას ლიკვიდაციის
მცდელობას ქუთაისიდან ეხმაურება.
ბრიფინგზე ვაშაძემ ოპოზიციურ ტელევიზია "მთავარ არხსა" და არხის ტელეწამყვან გიორგი გაბუნიას სოლიდარობა გამოუცხადა და ხელისუფლებისგან დანაშაულთან დაკავშირებული მასალების სწრაფი გასაჯაროება მოითხოვა. მისი თქმით, საჯაროობა აუცილებელია, რადგან მოსახლეობის ნდობა "ქართული ოცნების" მმართველობის მიმართ ნულია.
"ანტისახელმწიფოებრივი ხელისუფლების პირობებში საქართველო რუსეთის
სპეცსამსახურებისა და პუტინის ტერორისტების თარეშის ველად გადაიქცა.
შესაბამისი უწყებები იმისათვის რომ სახელმწიფოს უსაფრთხოებაზე
ზრუნავდნენ, ოპოზიიციის დევნითა და მიყურადებით არიან დაკავებულნი და
უსაფრთხოების სისტემა სრულიად მოშლილია. კარგად გვახსოვს როგორ
გამოუშვეს ციხიდან "დაეშის" სამხედრო მეთაური აჰმედ ჩატაევი, როგორ
შემოუშვეს მერე უკან საქართველოში, როგორ აცხოვრეს თბილისის ცენტრში.
"ოცნებისტების" მთავრობის შედეგად ჩვენ სახელმწიფო აღარ
გვაქვს".
ვაშაძე, აგრეთვე, მოითხოვს გამოძიებაში საქართველოს მთავარი მოკავშირეების შესაბამისი უწყებები ჩართონ.
მედიაში 15 ივნისს გავრცელდა ინფორმაცია იმის შესახებ, რომ ეთნიკურად ინგუში რუსეთის მოქალაქე, ვასამბეკ ბოკოვი გაბუნიას ლიკვიდაციას გეგმავდა. იგივე დაადასტურა არხის დირექტორმა ნიკა გვარამიამ. არსებული ინფორმაციით, ტელეწამყვანის მკვლელობა რუსეთის ფედერაციაში შემავალი რესპუბლიკის ლიდერმა, რამზან კადიროვმა შეუკვეთა. ამის მიზეზად გასული წლის ივლისში გაბუნიას მიერ პირდაპირ ეთერში პუტინის დედის გინება სახელდება. რუსეთის პრეზიდენტის დედის გინების შემდეგ წამყვანს ჩეჩნეთის ლიდერის გარდა, რუსი ბლოგერიც დაემუქრა.
მოგვიანებით სახელმწიფო უსაფრთხოების სამსახურმა განცხადება გაავრცელა, სადაც წერია, რომ სუს-ის კონტრტერორისტული ცენტის მიერ, ყალბი დოკუმენტის შეძენა-შენახვისა და გამოყენების ბრალდებით, საქართველოს სისხლის სამართლის კოდექსის 362-ე მუხლის პირველი ნაწილით დაკავებულია რუსეთის ფედერაციის მოქალაქე.
ბრალდებული ვ.ბ.-ს დაკავება განხორციელდა შეკვეთით განზრახ მკვლელობის მომზადების ფაქტზე დაწყებული სისხლის სამართლის საქმის გამოძიების ფარგლებში, რომელსაც სახელმწიფო უსაფრთხოების სამსახურის კონტრტერორისტული ცენტრი, შესაბამისი ოპერატიული ინფორმაციის საფუძველზე აწარმოებდა.
მასალის გამოყენების პირობები