ქუთაისში, ტანსაცმლის მაღაზია "კოტონში" 11 თვის
მცირეწლოვნისთვის დედას პირბადის გაკეთება მოსთხოვეს.
"11 თვის ბავშვზე მეუბნებოდნენ
პირბადით შემოიყვანეო, მაშინ, როცა უამრავი ინფორმაციაა ინტერნეტში
ქართულ და უცხოურ ენაზე, რომ 2 წლამდე ასაკის ბავშვებს პირბადე არ
უნდა გავუკეთოთ", - ამბობს მცირეწლოვნის დედა თეონა სვიანაძე.
ტანსაცმლის მაღაზიაში განმარტავენ, რომ ჩვილს ნადვილად მოსთხოვეს
პირაბდე, თუმცა, ეს სავალდებულო იყო.
"ბავშვის მშობლებმა გვითხრეს, რომ 2 წლამდე ასაკის ბავშვისთვის
პირბადის გაკეთება არ იყო სავალდებულო, თუმცა, მე მაინც გადავამოწმე
ცხელ ხაზზე - 144 -ზე. რა ვქნათ ჩვენც, ყოველ წუთში იცვლება
რეკომენდაციები. ობიექტში თუკი ვინმე ნიღბის გარეშე შემოვა, 30 000
ათასი ლარით დავჯარიმდებით", - ამბობს "კოტონის მენეჯერი ბელა
ნათბილაძე.
საქართველოს მთავრობის მიერ, საგანგებო მდგომარეობის ფარგლებში,
მოქალაქეებისთვის შექმნილ ცხელ ხაზზე - (144) ქუთაისიპოსტმაც დარეკა,
სადაც გვითხრეს, რომ განსაზღვრული არ არის თუ რა ასაკიდან უნდა ეკეთოს
მოქალაქეს პირბადე, თუმცა, აღნიშნავენ, რომ ნიღაბი ყველამ უნდა
ატაროს.
მასალის გამოყენების პირობები