ახალი ამბები
პირველკლასელთა რეგისტრაციის მესამე ეტაპი დაიწყო
10:27 / 02.06.2020
დღეიდან 25 ივნისის ჩათვლით, განათლების, მეცნიერების, კულტურისა და სპორტის სამინისტრო პირველკლასელთა რეგისტრაციის მესამე ეტაპს იწყებს.
რეგისტრაცია ვებგვერდზე registration.emis.ge -ზე იქნება
შესაძლებელი. მოსწავლის ჩასარიცხად აუცილებელი დოკუმენტაციის
წარდგენა 2 ივნისიდან 5 ივლისის ჩათვლით გაგრძელდება. დადგენილ
ვადებში დოკუმენტაციის წარუდგენლობის შემთხვევაში, რეგისტრაცია
ავტომატურად გაუქმდება.
რეგისტრაციის ბოლო ეტაპი 20 აგვისტოს დაიწყება
და 10 სექტემბრის ჩათვლით გაგრძელდება.
მოსწავლის პირველ კლასში ჩასარიცხად წარსადგენი აუცილებელი
დოკუმენტების ნუსხა:
მოსწავლის კანონიერი წარმომადგენლის
განცხადება, რომელიც უნდა შეიცავდეს კანონიერი წარმომადგენლის
საცხოვრებელი ადგილისა და ტელეფონის ნომრის თაობაზე
ინფორმაციას,კანონიერი წარმომადგენლის პირადობის დამადასტურებელი
მოწმობის ასლი და საქართველოში ბინადრობის დამადასტურებელი დოკუმენტის
ასლი (ასეთის არსებობის შემთხვევაში). დოკუმენტების უცხოურ ენაზე
წარდგენის შემთხვევაში, მათ უნდა დაერთოს საქართველოს კანონმდებლობით
დადგენილი წესით შესრულებული თარგმანი ქართულ
ენაზე).
მოსწავლის დაბადების მოწმობის ან
პირადობის დამადასტურებელი დოკუმენტის ასლი და საქართველოში
ბინადრობის დამადასტურებელი დოკუმენტის ასლი (ასეთის არსებობის
შემთხვევაში). დოკუმენტების უცხოურ ენაზე წარდგენის შემთხვევაში, მათ
უნდა დაერთოს საქართველოს კანონმდებლობით დადგენილი წესით შესრულებული
თარგმანი ქართულ ენაზე).
საყოველთაო რეგისტრაციის ინსტრუქცია
იხილეთ ბმულზე:
http://mes.gov.ge/s/DpHE2
მასალის გამოყენების პირობები