ახალი ამბები
ქუთაისის მერის მოადგილე კონსტანტინე ქავთარაძე და ადგილობრივი თვითმმართველობის სხვა წევრები მსოფლიო ბანკის წარმომადგენლებს შეხვდნენ.
ნიკეას ქუჩის რეაბილიტაციისთვის მსოფლიო ბანკმა 7 552 000 ლარი გამოყო
14:31 / 02.10.2015
პროექტით
გათვალისწინებულია ქუჩის შუა ნაწილში ბალახის საფარით სამი მეტრი
სიგანის გამყოფი ზოლის მოწყობა
ქუთაისის მერის მოადგილე კონსტანტინე ქავთარაძე და ადგილობრივი თვითმმართველობის სხვა წევრები მსოფლიო ბანკის წარმომადგენლებს შეხვდნენ.
შეხვედრაზე ნიკეას ქუჩის
რეაბილიტაციის საკითხი განიხილეს.
აღნიშნული პროექტის
ფარგლებში დაგეგმილია ნიკეას ქუჩაზე გზის საფარის, განათების
სისტემისა და ტროტუარების რეაბილიტაცია. ასევე, სანიაღვრე
სისტემისა და მიმღები ჭების მოწყობა.
გარდა
ამისა, პროექტით გათვალისწინებულია ქუჩის შუა ნაწილში ბალახის საფარით
სამი მეტრი სიგანის გამყოფი ზოლის მოწყობა. ასევე, ნიკეას ქუჩის
პირველი შესახვევისა და სანაპიროს ქუჩის გასწვრივ ტროტუარის
რეაბილიტაცია.
ნიკეას
ქუჩის რეაბილიტაციის პროექტი მსოფლიო ბანკის მიერ 7 552 000 ლარით
ფინანსდება.
ამ
დროისათვის პროექტის განმახორცილებელი ორგანიზაციის შერჩევა-შეფასების
პროცესი მიმდინარეობს.
მასალის გამოყენების პირობები