ახალი ამბები
მილიონობით ტონა ტვირთბრუნვა და გაორმაგებული მგზავრთა ნაკადი საქართველოს რკინიგზაში
11:35 / 20.02.2020
საქართველოს რკინიგზა 2019 წლის ტვირთბრუნვის
მაჩვენებლებს ასაჯაროებს.
როგორც საქართველოს რკინიგზაში განმარტავენ, 2019 წელს გადაზიდული
ტვირთი თითქმის 1 მილიონი ტონით აღემატება 2018 წლის მონაცემებს.
,,ტვირთის გადაზიდვით 2019 წელს მიღებული შემოსავალი თითქმის 67
მილიონით მეტია 2018 წლის მაჩვენებელთან შედარებით," - აცხადებენ
საქართველოს რკინიგზის ადმინისტრაციაში.
მათვე ინფორმაციით, ასევე დაფიქსირდა მგზავრთა რაოდენობის რეკორდული
მაჩვენებელი.
,,სამგზავრო გადაყვანებში ისტორიული მაჩვენებლებია - საქართველოს
რკინიგზის მეშვეობით გადაყვანილია 3 მილიონზე მეტი მგზავრი," -
ამბობენ რკინიგზის ადმინისტრაციაში.
მგზავრთა გადაყვანებით საქართველოს რკინიგზამ 31 მილიონ ლარი
მიიღო.
ქუთაისის რკინიგზის სადგურიდან რეისები სხვადასხვა მიმართულებით
ყოველდღიურად სრულდება.
მასალის გამოყენების პირობები