ახალი ამბები
გოგი წულაია 500 ლარით დააჯარიმეს
17:10 / 17.02.2020
პოლიტიკური პარტია "თავისუფალი
საქართველოს" თანათავმჯდომარე, გოგი წულაია ქუთაისის საქალაქო
სასამართლომ, პერფორმანსის ჩატარების დროს ბილწსიტყვაობის
მიზეზით, 500 ლარით დააჯარიმა.
მისი დაჯარიმება წვრილმანი ხულიგნობის ბრალდებით საქართველოს
ადმინისტრაციულ სამართალდაღვევათა კოდექსის 166-ე მუხლის საფუძველზე
მოხდა.
"კიდევ ერთხელ მითხრეს, რომ პოლიტიკურ აქტიურობას თავი დაანებეთ, არ
ჩაატაროთ პერფორმანსი, არ გალანძღოთ ხელისუფლება, თორემ სულს
ამოგაძრობთ ჯარიმებში", - ამბობს გოგი წულაია, რომელიც დღევანდელი
განაჩენის გასაჩივრებას აპირებს.
გოგი წულაიამ მერიასთან შეშა დასანთებად 13 თებერვალს მიიტანა,
თუმცა, პოლიციამ ამის უფლება არ მისცა.
წულაიას პერფორმანსი სახელწოდებით - "მოდით და გათბით" ქალაქში
ბუნებრივი აირის გამორთვას ეხმიანებოდა.
ეს არ არის სასამართლოს მხრიდან წულაიას პირველი დაჯარიმების
შემთხვევა. ის, მიმდინარე წლის სამ იანვარს, ბუჩქებზე "პოლიტიკური
სათამაშოების" დაკიდების გამო 1 000 ლარით
დააჯარიმეს.
მასალის გამოყენების პირობები