იმერეთის რამდენიმე სოფელში ძლიერმა თოვამ ელექტროენერგიის გადამცემი ხაზები დააზიანა.

შედეგად, აბონენტების ნაწილი დენის გარეშეა დაჩენილი. მაღალმთიან სოფლებში თოვლის საფარმა უკვე ერთ მეტრს გადააჭარბა, ხოლო დაბლობში 50 – 60 სმ. - ს მიაღწია.  ყველაზე რთულ, მუხურა-ტყიბულის მონაკვეთზე  გადაადგილება  დაბალი გამავლობის სატრანსპორტო საშუალებებისთვის შეზღუდულია.

იმერეთის გუბერნატორის ადმინისტრაციის ინფორმაციით, მხარის 12-ვე მუნიციპალიტეტში მობილიზებულია სპეციალური ტექნიკა და ინტენსიურად მიმდინარეობს გზების გაწმენდითი სამუშაოები.

შესაბამისი სამსახურები მუშაობენ ენერგომომარაგების შეზღუდვით გამოწვეული პრობლემის აღმოსაფხვრელად.