ახალი ამბები
ქალაქის ცენტრალურ ბაღში არსებული საპირფარეშოს რემონტისთვის მერია 77 188 ლარს გადაიხდის.
ქუთაისის მერია საზოგადოებრივი საპირფარეშოს რემონტისთვის ტენდერს აცხადებს
12:44 / 09.02.2020
ქუთაისის მერიამ, საზოგადოებრივი
საპირფარეშოს აუქციონზე გაყიდვის რამდენიმე წარუმატებელი მცდელობის
შემდეგ, მის რემონტზე ტენდერი
(NAT200003242) გამოაცხადა.
ქალაქის ცენტრალურ ბაღში არსებული საპირფარეშოს რემონტისთვის მერია 77 188 ლარს გადაიხდის.
წინადადებების მიღება
17 თებერვალს იწყება და სამ დღეში,
20 თებერვალს დარულდება.
ქუთაისში სულ ოთხი საზოგადოებრივი საპირფარეშოა. მათგან მხოლოდ ერთი, ცენტრალურ ბულვარში მდებარე შენობა ფუნქციონირებს. დანარჩენი მიტოვებული და მოუწესრიგებელია.
მერიას
საპირფარეშოების აუქციონზე
გაყიდვის მცდელობა რამდენჯერმე ჰქონდა, თუმცა,
უშედეგოდ.
ადგილობრივ თვითმმართველობაში წლების განმავლობაში თავს იმით
იმართლებდნენ, რომ შენობები, რომლებიც 2012 წელს "გაერთიანებული
წყალმომარაგების კომპანიამ" ააშენა, სამი წლის განმავლობაში
ეკონომიკის სამინისტროს ბალანსზე იყო და საპირფარეშოები ქალაქს
მხოლოდ 2015
წელს გადაეცა. ამის მიუხედავად, მერიამ ოთხი წლის
განმავლობაში პრობლემის მოგვარება ვერ შეძლო.
ამავე თემაზე:
მასალის გამოყენების პირობები