14 იანვრამდე დასავლეთ საქართველოში უამინდობაა მოსალოდნელი

11:41 / 12.01.2020

გარემოს ეროვნული სააგენტოს ინფორმაციით, 12 იანვარს დღის მეორე ნახევრიდან 14 იანვრამდე საქართველოში, ძირითადად ქვეყნის დასავლეთ და სამხრეთ რეგიონებში, მოსალოდნელია წვიმა, მაღალმთაში თოვლი, ზოგან ძლიერი, ნისლი და ქარბუქი.

ზღვაზე შესაძლებელია 2-3 ბალიანი შტორმი.

მათივე ცნობით, მოსალოდნელმა ძლიერმა ნალექებმა შესაძლებელია მთიან ზონებში ზვავების ფორმირება და მეწყრული პროცესების ჩასახვა-გააქტიურება გამოიწვიოს.