ახალი ამბები
ამის მიზეზი ორი კვირის წინ, მესხიშვილის თეატრის არეალში, ბუჩქებზე, ხელნაკეთი ნივთების განთავსება გახდა, რომელზეც ქართული ოცნების მაღალჩინოსნების სურათები იყო გამოსახული. ზედამხედველობის სამსახურმა დაჯარიმების ოქმი ქუთაისის საქალაქო სასამართლოს გადაუგზავნა. ამ ფაქტთან დაკავშირებით მოძრაობა ,,გაბედემ'' ბრიფინგი გამართა და მერიის ზედამხედველობის სამსახურის ქმედება გააპროტესტა.
მერიის ზედამხედველობის სამსახურში შერჩევით სამართლს გამორიცხავენ და აცხადებენ, რომ მოძრაობა ,,გაბედე'' კანონის ფარგლებში დაჯარიმდა. ზედამხედველობის სამსახურის უფროსის მოადგილის, ეკა გრიგალაშვილი თქმით, ხელნაკეთი ნივთები კულტურული მემკვიდრეობის არეალში, მესხიშვილის თეატრთან ახლოს განათავსეს, თეატრი კულტურული მემკვიდრეობის ძეგლია და მისი იერ-სახის თვითნებური შეცვლა ადმინისტრაციული სამართალდარღვევაა. როგორც ეკა გრიგალაშვილი ამბობს, ჯარიმა საქალაქო სასამართლოშია გადაგზავნილი და ჯერჯერობით გადაწყვეტილი არაფერია.
11 დეკემბერს მოძრაობა "გაბედეს" ქუთაისის ორგანიზაციის წარმომადგენლებს, სამართალდაცველებმა მესხიშვილის თეატრის წინ განთავსებულ ნაძვის ხეზე პოლიტიკოსების სურათებით გაკეთებული სიმბოლური სათაშოების დაკიდების უფლება არ მისცეს. პოლიციის წინააღმდეგობის შემდეგ აქტივისტებმა სურათები იქვე მდებარე ბუჩქებზე მიაკრეს.
აღსანიშნავია, რომ 29 ნოემბერს და პირველ დეკემბერს ''ქართული ოცნების'' აქტივისტებმა და ადგილობრივი თვითმართველობის წარმომადგენლებმა გაერთიანებული ოპოზიციის ოფისებზე მიტანეს იერიში და კულტურული მემკვიდრეობის შენობების ფასადებს საღებავები, კვერცები და ცოცხები დაუშინეს. ფაქტზე დღემდე არავინ დაუჯარიმებიათ.
ბუჩქებზე სურათების გაკვრის გამო "გაბედე", შესაძლოა, 1000 ლარით დაჯარიმდეს
12:37 / 25.12.2019
მოძრაობა ,,გაბედეს'' აქტივისტი
გაგი ახალაძე, შესაძლოა, 1000 ლარით დაჯარიმდეს.
ამის მიზეზი ორი კვირის წინ, მესხიშვილის თეატრის არეალში, ბუჩქებზე, ხელნაკეთი ნივთების განთავსება გახდა, რომელზეც ქართული ოცნების მაღალჩინოსნების სურათები იყო გამოსახული. ზედამხედველობის სამსახურმა დაჯარიმების ოქმი ქუთაისის საქალაქო სასამართლოს გადაუგზავნა. ამ ფაქტთან დაკავშირებით მოძრაობა ,,გაბედემ'' ბრიფინგი გამართა და მერიის ზედამხედველობის სამსახურის ქმედება გააპროტესტა.
"გვინდოდა ხელნაკეთი ნივთები ნაძვის ხეზე დაგვეკიდებინა, მაგრამ
ზედამხედველობის სამსახურმა ამის უფლება არ მოგვცა. გვეუბნებოდნენ,
150-ე მუხლის მიხედვით ეს არ შეიძლებაო, თუმცა ვერ განგვიმარტეს რას
ითვალისწინებდა 150-ე მუხლი . ამის შემდეგ ნივთები იქვე მდებარე
ბუჩქზე განვათავსეთ. ახლა კულტურული მემკვიდრეობის ძეგლის
დამახინჯებაში გვდებენ ბრალს, ბუჩქი გამოიყვანეს კულტურული
მემკვიდრეობის ძეგლად. ეს არის უნიჭო პოლიტიკური თამაში და შერჩევითი
სამართალი. თავად დააზიანეს კულტურული მემკვიდრეობის ძეგლი რამდენიმე
დღის წინ და ახლა ჩვენ გვედავებიან," - ამბობს ,,გაბედეს'' აქტივისტი
გაგი ახალაძე.
მერიის ზედამხედველობის სამსახურში შერჩევით სამართლს გამორიცხავენ და აცხადებენ, რომ მოძრაობა ,,გაბედე'' კანონის ფარგლებში დაჯარიმდა. ზედამხედველობის სამსახურის უფროსის მოადგილის, ეკა გრიგალაშვილი თქმით, ხელნაკეთი ნივთები კულტურული მემკვიდრეობის არეალში, მესხიშვილის თეატრთან ახლოს განათავსეს, თეატრი კულტურული მემკვიდრეობის ძეგლია და მისი იერ-სახის თვითნებური შეცვლა ადმინისტრაციული სამართალდარღვევაა. როგორც ეკა გრიგალაშვილი ამბობს, ჯარიმა საქალაქო სასამართლოშია გადაგზავნილი და ჯერჯერობით გადაწყვეტილი არაფერია.
11 დეკემბერს მოძრაობა "გაბედეს" ქუთაისის ორგანიზაციის წარმომადგენლებს, სამართალდაცველებმა მესხიშვილის თეატრის წინ განთავსებულ ნაძვის ხეზე პოლიტიკოსების სურათებით გაკეთებული სიმბოლური სათაშოების დაკიდების უფლება არ მისცეს. პოლიციის წინააღმდეგობის შემდეგ აქტივისტებმა სურათები იქვე მდებარე ბუჩქებზე მიაკრეს.
აღსანიშნავია, რომ 29 ნოემბერს და პირველ დეკემბერს ''ქართული ოცნების'' აქტივისტებმა და ადგილობრივი თვითმართველობის წარმომადგენლებმა გაერთიანებული ოპოზიციის ოფისებზე მიტანეს იერიში და კულტურული მემკვიდრეობის შენობების ფასადებს საღებავები, კვერცები და ცოცხები დაუშინეს. ფაქტზე დღემდე არავინ დაუჯარიმებიათ.
მასალის გამოყენების პირობები