ქუთაისში, ლადო მესხიშვილის
სახელობის თეატრის წინ ვაჟა გაფრინდაშვილისთვის პატიმრობის შეფარდება
გააპროტესტეს.
"ვაჟა ექიმი არის უკანონო
ტყვეობაში, ჩვენი მთავარი მოთხოვნაა სასწრაფოთ გაატაროს სახელმწიფომ
ქმედითი ნაბიჯები", - ამბობს მოძრაობა "შეცვალეს"
აქტივისტი.
ვაჟა გაფრინდაშვილს დღეს, 1 წელი და ცხრა თვე პატიმრობა
შეეფარდა.
თბილისში მცხოვრები და მომუშავე ექიმი, ვაჟა გაფრინდაშვილი სამხრეთ
ოსეთის კონფლიქტის ზონაში, რუსმა სამხედროებმა ე.წ. საზღვრის უკანონო
გადაკვეთის ბრალდებით, მიმდინარე წლის 9 ნოემბერს, დააკავეს. თუმცა
ექიმი, საზღვრის გადაკვეთის ბრალდებას არ აღიარებს და ამბობს, რომ
ქართულ მიწაზე იმყოფება. იგი ამჟამად ცხინვალის იზოლატორში
იმყოფება.
ვაჟა გაფრინდაშვილი ცნობილი ექიმია. იგი საქართველოს
ორთოპედ-ტრავმატოლოგთა ასოციაციის პრეზიდენტია და კლინიკა „მედი
ქლაბის“ წამყვანი სპეციალისტი. კონფლიქტის ზონაში იგი, სავარაუდოდ,
ავადმყოფის დასახმარებლად ჩავიდა.
მასალის გამოყენების პირობები