ტელეკომპანია "მაესტროს" ჟურნალისტსა და გურიის სამხარეო პოლიციის უფროსს შორის მომხდარ ინციდენტზე შინაგან საქმეთა სამინისტროში კომენტარს აკეთებენ.

შს სამინისტროს პრეს-სამსახურის განცხადებით, აღნიშნულ ფაქტზე შესწავლას გენერალური ინსპექცია დაიწყებს. პრეს-სამსახურის წარმომადგენელი, თამთა კოკელაძე ქუთაისიპოსტთან საუბარში განმარტავს, რომ გენერალური ინსპექცია ამ საკითხით მას შემდეგ დაინტერესდა, რაც ინფორმაცია მომხდარი ფაქტის შესახებ მედიით გავრცელდა.
ტელეკომპანია "მაესტროს" ჟურნალისტი, ირაკლი ვაჩიბერაძე გურიაში პრემიერ-მინისტრთან ვიზიტის დროს პროფესიული საქმიანობის ხელისშეშლის მცდელობაზე საუბრობდა. ჟურნალისტის განმარტებით, გურიაში ინციდენტი მას შემდეგ მოხდა, რაც ვიზიტად ჩასულ პრემიერ-მინისტრს შეკითვა დაუსვა ქონდა თუ არა ინფორმაცია დღეს, "ნაციონალური მოძრაობის" წევრების დაკავებასთან დაკავშირებით, რის შემდეგაც გურიის ადგილობრივი პოლიციის უფროსმა ჟურნალისტი გაიყვანა და მისგან განმარტება მოითხოვა.