ქუთაისის ცენტრალური ბულვარის რეკონსტრუქციის გეგმა, რომლის ჩაშლაც მერიამ მოსახლეობას დააბრალა, ვერც რეგიონული განვითარების ფონდისთვის გასაგზავნი პროექტების ჩამონათვალში მოხვდა.
ბულვარისთვის თანხა არც 2020 წლის ადგილობრივ ბიუჯეტშია გათვალისწინებული, რაც იმას ნიშნავს, რომ ცენტრალური ბაღის რეკონსტრუქცია გაურკვეველი ვადით გადაიდო.
იმ შემთხვევაში კი თუ მოსახლეობა ახალ ვერსიას
მოიწონებდა, პროექტის დაფინანსების თხოვნით რეგიონული განვითარების
ფონდს მიმართავდნენ. ერთი თვის შემდეგ ირკვევა, რომ
მერიას იმ დროისთვის ბულვარის რეკონსტრუქცია რეგიონში
განსახორციელებელი პროექტების მონახაზშიც კი არ ჰქონდა. ესკიზის
ახალი ვერსია კი საზოგადოებისთვის ამ დრომდე არ
შეუთავაზებია.
მერიის ინფრასტრუქტურის სამსახურის უფროსის მოადგილე, მირზა ხიდაშელი
ქუთაისიპოსტთან საუბარში ადასტურებს, რომ ბულვარის რეკონსტრუქციისთვის
მერიას თანხა არ აქვს.
„თუ რამე შეიძლება პირველი რიგის პრიორიტეტად განვიხილოთ, ეს არის ბულვარი, თუმცა, მომავალი წლის ბიუჯეტში ეს თანხები არ არის გათვალისწინებული და არც რეგიონში განსახორციელებელი პროექტების მონახაზშია. ამ ეტაპზე ეს მდგომარეობა გვაქვს“,-ამბობს მირზა ხიდაშელი.
მისი თქმით, ხელშეკრულება შეწყდა იმ კომპანიასთანაც, რომელსაც ბულვარის პროექტი უნდა მოემზადებია.
ქუთაისის მერიამ ცენტრალური ბულვარის რეკონსტრუქცია გასული წლის ივლისში დააანონსა, თუმცა, ფაქტია, რომ ადგილობრივმა თვითმმართველობამ ეს დაპირება ისე გასცა, რომ პროექტისთვის საჭირო თანხა მობილიზებული არ ჰქონდა.
მასალის გამოყენების პირობები