ახალი ამბები
60 წლის მეხანძრეს, რომელმაც სამსახურში 24 წელი გაატარა, გაცილების ცერემონიალი მოუწყვეს
11:32 / 12.10.2019
60 წლის ვახტანგ ჩუბინიძე, რომელიც სახანძრო–სამაშველო სამსახურში მეხანძრის პროფესიას 24 წლის განმავლობაში ემსახურებოდა, სამსახურიდან საზეიმოდ გააცილეს.
უკვე ყოფილ თანამშრომელს, მეხანძრე–მაშველებმა საპატიო კორიდორი მოუწყვეს და გაწეული სამსახურისთვის მადლობა აპლოდისმენტებით გადაუხადეს.
გაცილების ღონისძიებას შინაგან საქმეთა მინისტრის მოადგილე იოსებ ჭელიძე და საგანგებო სიტუაციების მართვის სამსახურის უფროსი თემურ მღებრიშვილი დაესწრნენ. მათ ვახტანგ ჩუბინიძე წლების განმავლობაში გამოჩენილი პროფესიონალიზმისთვის მადლობა გადაუხადეს და სამახსოვრო საჩუქრები გადასცეს.
ვახტანგ ჩუბინიძეს სამსახურის დატოვება
მეხანძრე-მაშველებისთვის დაწესებული ასაკობრივი ზღვარის
მიღწევის გამო მოუწია.
მასალის გამოყენების პირობები