ჭიათურის პოლიციის უფროსს ფილიმონ აბრამიშვილსა და მის ორ მოადგილეს მაღაროში დასაქმებული მუშის ცემაში ადანაშაულებენ.

ქუთაისიპოსტს ჭიათურიდან აცნობეს, რომ ნაცემი მუშა ზაზა ჩინჩალაძე პოლიციის განყოფილებაშია გადაყვანილი. 

ინციდენტი ჯორჯიან მანგანეზის ერთ-ერთი საწარმოს ტერიტორიაზე მოხდა. თვითმხილველების თქმით, შეხლა-შემოხლა საწარმოდან საწარმოო დეტალის დაკარგვას უკავშირდება. 

მოხდარის შესახებ დეტალებს ქუთაისიპოსტი ადგილიდან მოგვიანებით შემოგთავაზებთ.