ახალი ამბები
მაჩალიკაშვილის საქმეზე საგამოძიებო კომისიის შექმნის მოთხოვნით, ქუთაისში ხელმოწერების შეგროვება დაიწყო
FaceBook

მალხაზ მაჩალიკაშვილმა მისი შვილის, მოკლული თემირლან მაჩალიკაშვილის საქმეზე  დროებითი საგამოძიებო კომისიის შექმნის მოთხოვნით ხელმოწერების შეგროვება დაიწყო.

მალხაზ მაჩალიკაშვილი მეუღლესთან ერთად ქუთაისის ცენტრში იმყოფება და მოქალაქეებს, რომლებიც თვლიან, რომ თემირლან მაჩალიკაშვილის საქმე დროებითმა საპარლამენტო–საგამოძიებო კომისიამ უნდა შეისწავლოს, ხელის მოწერას სთხოვს.

 

„ ჩვენი მიზანია ხელისუფლებამ თემირლანის უდანაშაულობა აღიაროს. ეს ისედაც ფაქტია, მაგრამ ეს უნდა გამოიძიონ და დაადასტურონ'' - ამბობს მალხაზ მაჩალიკაშვილი

თემირლან მაჩალიკაშვილის მშობლები ხელმოწერების შესაგროვებლად მთელ საქართველოს მოივლიან.

19 წლის თემირლან მაჩალიკაშვილს 2017 წლის 26 დეკემბერს, პანკისის ხეობაში ჩატარებული სპეცოპერაციის დროს სპეცრაზმელმა თავის არეში სასიკვდილო ჭრილობა მიაყენა.

Print