"პოლიციელი გმირია, გახარია არ გადადგე" - ქუთაისის მაჟორიტარი დეპუტატის ვიდეომიმართვა შვილთან ერთად (ვიდეო)
14:15 / 04.07.2019
ქუთაისის მაჟორიტარი დეპუტატი, დიმიტრი მხეიძე სოციალურ ქსელში
შვილთან ერთად ჩაწერილ ვიდეომიმართვას ავრცელებს.
დეპუტატი მცირეწლოვან შვილს შემდეგ ფრაზებს კარნახობს: "პოლიციელი
გმირია, გახარია არ გადადგე" , - რასაც მოზარდი
იმეორებს.
ამ ფორმით იგი მხრდაჭერას უცხადებს შინაგან საქმეთა მინისტრს,
გიორგი გახარიას.
დიმიტრი მხეიძე ქუთაისის სამი მაჟორიტარიდან ერთ-ერთია, რომელმაც
პარლამენტის წევრის, ნიკა მელიასთვის დეპუტატის მანდატის მოხსნას
მხარი დაუჭირა. მელიასთვის უფლებამოსილების შეჩერებას ხმა მისცა
გენადი მარგველაშვილმაც.
გიორგი გახარიას გადადგომის მოთხოვნით, მე-15 დღეა რუსთაველის
გამზირზე საპროტესტო აქციები მიმდინარეობს. აქციის მონაწილეები 20
ივნისს განვითარებული მოვლენების გამო, რა დროსაც აქციის ათობით
მონაწილე დაშავდა, ორმა კი თვალი დაკარგა, მოითხოვენ, რომ გახარიამ
პოსტი დატოვოს.
მასალის გამოყენების პირობები