გვიან ღამით მოსულმა უხვმა ნალექმა ხარაგაულის მუნიციპალიტეტის სოფლებში დააზიანა სასოფლო გზები და მწყობრიდან გამოიყვანა ხიდები.
გვიან ღამით მოვარდნილმა ღვარცოფმა ხარაგაულის ქუჩებიც დატბორა.



"ამჯერად, სტიქიამ სოფელ ზვარეს მიაყენა მნიშვნელოვანი ზიანი. პარალიზებულია სოფლის სამი საუბნო გზა. ჩაწყვეტილია ბონდის ხიდი, დაზარალებულია ერთი ოჯახი, რომელსაც მოვარდნილმა ზვარულამ შინაური ცხოველების და ფრინველების სადგომები გაუნადგურა. დაიშლამა და ჩაიკეტა გზა ე.წ. ზვარის ხიდებთან", - ამბობენ ხარაგაულის მერიაში. 

მერიის ინფორმაციით, სტიქიის ზონაში სალიკვიდაციო სამუშაოები დაიწყო და მიმდინარეობს ზვარე-მოლითის დამაკავშირებელი გზის აღდგენა.


ხარაგაულში ეს არ არის სტიქიის პირველი შემთხვევა. მიმდინარე თვეში სტიქიამ მილიონ ლარზე მეტის ზარალი შეუქმნა მოსახლეობას. 



ამავე თემაზე:

ხარაგაულში სტიქიით მიყენებული ზარალი ერთ მილიონ ლარს შეადგენს