ქუთაისში მიმდინარე ბიზნეს ფორუმზე წლის წარმატებული მეწარმეები დააჯილდოვეს. ქალაქის ეკონომიკურ განვითარებაში შეტანილი წვლილისთვის მერიის ჯილდოები  ადგილობრივ საწარმოებსა და ბიზნეს კომპანიებს გადაეცა. წლის ინვესტორად დასახელდა ქართულ -ამერიკული სკოლა "პროგრესი, წლის ქველმოქმედი სტომატოლოგიური კლინიკა "სტომატოლოგიის რეგიონალური ცენტრი " გახდა,  წლის ექსპორტიორი შპს "მადერა ჯორჯია ";  წლის მეწარმედ "ქუთაისის უნივერსიტეტის" რექტორი, ლელა ქელბაქიანი დასახელდა;  წლის დამსახურებული ბიზნესის ჯილდო გადაეცა სამკერვალო კომპანია "ემ ჯი ემტექსს".  აუტისტური სპექტრის მქონე ბავშვთა სარეაბილიტაციო პროგრამის დაფინანსებაში შეტანილი განსაკუთრებული წვლილისთვის, სპეციალური პრიზი კომპანია მ2-ს გადაეცა. 

ქუთაისის მერიისგან ჯილდოები  ადგილობრივი ბიზნესის ხელშეწყობისთვის 10-მდე კომპანიას გადაეცა.

მეწარმეების დაჯილდოვებით ქუთაისში პირველი საერთაშორისო ბიზნეს ფორუმი დასრულდა. ორდღიანი ფორუმის ფარგლებში ქუთაისს უცხოეული ინვესტორები სტუმრობდნენ, რომლებიც ქუთაისის ტურისტულ და ეკონომიკურ პოტენციალს გაეცნენ.