გარემოს ეროვნული სააგენტოს ცნობით, დასავლეთ საქართველოსა და მათ შორის, იმერეთის რეგიონში, 15 აპრილს ცალკეულ რაიონებში ხანმოკლე წვიმაა მოსალოდნელი.
სინოპტიკოსების ვარაუდით, ჰაერის მაქსიმალური ტემპერატურა 21-26 ⁰ იქნება.

"16 აპრილიდან შავი ზღვის ჩრდილო-დასავლეთიდან დასავლეთ საქართველოში ცივი და ნოტიო ჰაერის მასები იწყებს შემოსვლას, ამიტომ 21 აპრილის ჩათვლით არამდგრადი ამინდია მოსალოდნელი", - ამბობს გარემოს ეროვნული სააგენტოს მოკლევადიანი პროგნოზების დეპარტამენტის ხელმძღვანელი, დოდო გვაზავა.

სინოპტიკოსები უმეტეს რაიონებში წვიმებს პროგნოზირებენ. 17-19 აპრილს მაღალმთიან რაიონებში ღამის საათებში არ გამორიცხავენ თოვლსაც. ჰაერის მაქსიმალური ტემპერატურა 17-დან 20 აპრილის ჩათვლით დაბლობ რაიონებში დაიკლებს განსაკუთრებით და 12-დან 14 0-მდე იქნება. ნალექის ინტენსივობა 18-19 აპრილს შემცირდება. დროგამოშვებით დასავლეთის მიმართულების ქარიც გაძლიერდება.