ახალი ამბები
საკრებულოს ოპოზიცია თვლის, რომ სახელმწიფო აუდიტმა, შესაძლოა, არ შეამოწმოს ყველა ის მიმართულება, რაზეც კითხვები არსებობს. უმრავლესობა კი ამბობს, რომ კერძო აუდიტორის მოწვევა ხარჯებთან არის დაკავშირებული, რაც ხარაგაულის ბიუჯეტიდან უნდა ანაზღაურდეს, ამიტომ, უმჯობესია აუდიტი სახელმწიფომ ჩაატაროს.
"სახელმწიფო აუდიტმა, შესაძლოა, არ შეამოწმოს ის მიმართულებები, რაზეც ჩვენ გვაქვს კითხვები. მაგალითად, მუნიციპალიტეტის ქონება, შესყიდვები და სხვა. ამიტომ, მიგვაჩნია, რომ უნდა მოხდეს კერძო აუდიტის მოწვევა. 6 დეპუტატი უკვე თანახმაა აუდიტის მოწვევაზე, გვჭირდება კიდევ 6 წევრის თანხმობა, რომ მერს გავუგზავნოთ შესაბამისი მოთხოვნა", - ამბობს ხარაგაულის საკრებულოს ფრაქცია "ძალა ერთობაშია" თავმჯდომარე, თორნიკე ავალიშვილი.
ქალაქის მერთან შეკითხვები აქვს როგორც უმცირესობას, ასევე, უმრავლესობას.
საკრებულოს უმრავლესობის დეპუტატი, პაატა გოგოლაძე ამბობს, რომ მმართველ გუნდს ქალაქის მერთან შეკითხვები თითქმის ყველა მიმართულებით აქვს.
"კითხვები არის შესყიდვებთან დაკავშირებით, ასევე, აღურიცხავ ქონებაზე, რომელიც მრავლადაა მუნიციპალიტეტში. ვერ მუშაობს სოციალური პროგრამები, გასულ წელს ერთჯერადი მატერიალური დამხარება მხოლოდ შვიდმა ადამიანმა მიიღო. მუნიციპალიტეტმა ვერ აითვისა სტიქიით დაზიანებული ინფრასტრუქტურის აღსადგენად გამოყოფლი თანხა. 1 650 000 ლარის პროექტებიდან მხოლოდ 35% შესრულდა. ბევრი მიმართულებით არის შეკითხვები", - ამბობს პაატა გოგოლაძე.
ხარაგაულის მერსა და საკრებულოს უმრავლესობას შორის დაპირისპირება ერთ წელზე მეტია გრძელდება. საკრებულოს ბოლო სხდომაზე კი 19 დეპუტატიდან 17–მა მერის, ნიკოლოზ თოფურიძის მუშაობა უარყოფითად შეაფასა, რის შემდეგაც გააქტიურდა საუბარი მისთვის მისივე თანაგუნდელების მიერ იმპიჩმენტის გამოცხადებაზე.
საკრებულოს ოპოზიცია აცხადებს, რომ მერსა და საკრებულოს შორის კონფლიქტი გავლენების მოპოვების მცდელობითაა განპირობებული და არა ნიკოლოზ თოფურიძის ხარვეზებით მუშაობის გამო, რადგან ხარაგაულში პრობლემები ადრეც იყო, თუმცა, საკრებულოს უმრავლესობა ამაზე არ საუბრობდა.
ხარაგაულის საკრებულო მერის საქმიანობის შესწავლას ითხოვს
15:37 / 04.02.2019
საკრებულოს ოპოზიცია თვლის, რომ სახელმწიფო აუდიტმა, შესაძლოა, არ შეამოწმოს ყველა ის მიმართულება, რაზეც კითხვები არსებობს. უმრავლესობა კი ამბობს, რომ კერძო აუდიტორის მოწვევა ხარჯებთან არის დაკავშირებული, რაც ხარაგაულის ბიუჯეტიდან უნდა ანაზღაურდეს, ამიტომ, უმჯობესია აუდიტი სახელმწიფომ ჩაატაროს.
აუდიტის მოწვევის შესახებ ხარაგაულის საკრებულომ 4 თებერვლის სხდომაზე
იმსჯელა, თუმცა, დეპუტატებმა გადაწყვეტილება ვერ მიიღეს.
"სახელმწიფო აუდიტმა, შესაძლოა, არ შეამოწმოს ის მიმართულებები, რაზეც ჩვენ გვაქვს კითხვები. მაგალითად, მუნიციპალიტეტის ქონება, შესყიდვები და სხვა. ამიტომ, მიგვაჩნია, რომ უნდა მოხდეს კერძო აუდიტის მოწვევა. 6 დეპუტატი უკვე თანახმაა აუდიტის მოწვევაზე, გვჭირდება კიდევ 6 წევრის თანხმობა, რომ მერს გავუგზავნოთ შესაბამისი მოთხოვნა", - ამბობს ხარაგაულის საკრებულოს ფრაქცია "ძალა ერთობაშია" თავმჯდომარე, თორნიკე ავალიშვილი.
ქალაქის მერთან შეკითხვები აქვს როგორც უმცირესობას, ასევე, უმრავლესობას.
საკრებულოს უმრავლესობის დეპუტატი, პაატა გოგოლაძე ამბობს, რომ მმართველ გუნდს ქალაქის მერთან შეკითხვები თითქმის ყველა მიმართულებით აქვს.
"კითხვები არის შესყიდვებთან დაკავშირებით, ასევე, აღურიცხავ ქონებაზე, რომელიც მრავლადაა მუნიციპალიტეტში. ვერ მუშაობს სოციალური პროგრამები, გასულ წელს ერთჯერადი მატერიალური დამხარება მხოლოდ შვიდმა ადამიანმა მიიღო. მუნიციპალიტეტმა ვერ აითვისა სტიქიით დაზიანებული ინფრასტრუქტურის აღსადგენად გამოყოფლი თანხა. 1 650 000 ლარის პროექტებიდან მხოლოდ 35% შესრულდა. ბევრი მიმართულებით არის შეკითხვები", - ამბობს პაატა გოგოლაძე.
ხარაგაულის მერსა და საკრებულოს უმრავლესობას შორის დაპირისპირება ერთ წელზე მეტია გრძელდება. საკრებულოს ბოლო სხდომაზე კი 19 დეპუტატიდან 17–მა მერის, ნიკოლოზ თოფურიძის მუშაობა უარყოფითად შეაფასა, რის შემდეგაც გააქტიურდა საუბარი მისთვის მისივე თანაგუნდელების მიერ იმპიჩმენტის გამოცხადებაზე.
საკრებულოს ოპოზიცია აცხადებს, რომ მერსა და საკრებულოს შორის კონფლიქტი გავლენების მოპოვების მცდელობითაა განპირობებული და არა ნიკოლოზ თოფურიძის ხარვეზებით მუშაობის გამო, რადგან ხარაგაულში პრობლემები ადრეც იყო, თუმცა, საკრებულოს უმრავლესობა ამაზე არ საუბრობდა.
მასალის გამოყენების პირობები