ხონის რაიონის სოფელ გუბში ორი ოჯახი გაქურდეს. ადგილობრივების თქმით, წაღებულია სპორტული ტანსაცმელი, ტელევიზორები, ბოტასები და 16 ლარი.
გუბში მცხოვრებლების თქმით, მესამე ოჯახშიც შევიდნენ, თუმცა,  რამის  წაღება ვერ მოასწრეს , რადაგან ოჯახის წევრებმა ხმაური გაიგეს.

"ერთი ბიჭი იყო, მაღალი,  გამხდარი, ხმაურზე რომ გამოვედით გაიქცა", – ამბობენ ადგილობრივები.

შინაგან საქმეთა სამინისტროში აცხადებენ, რომ გამოძიება  სისხლის სამართლის კოდექსის 177ე მუხლით მიმდინარეობს, რაც ქურდობას გულისხმობს.