საპრეზიდენტო არჩევნების მეორე ტური, სამუშაო დღეს, 28 ნოემბერს გაიმართება.

მეორე ტურის თარიღი, ცესკომ დღეს გამართულ სხდომაზე დაასახელა. რასაც წინ უძღვოდა საქართველოს პრეზიდენტის 2018 წლის 28 ოქტომბრის არჩევნების პირველი ტურის შედეგების შეჯამება.

საქართველოში 28 ნოემბერი არასამუშაო დღედ გამოცხადდა, ხოლო საზღვარგარეთ გახსნილ საარჩევნო უბნებზე 20:00 საათის ნაცვლად, ხმის მიცემა ღამის 12 საათამდე იქნება შესაძლებელი.
საპრეზიდენტო არჩევნების პირველი ტური მიმდინარე წლის 28 ოქტომბერს გაიმართა. იმის გამო, რომ პრეზიდენტობის 25 კანდიდატიდან ზღვარი ვერცერთმა გადალახა, საჭირო გახდა მეორე ტურის დანიშვნა. პირველ ტურში ამომრჩევლთა ხმები ასე გადანაწილდა:

დამოუკიდებელი კანდიდატი სალომე ზურაბიშვილი – 38.64%

გრიგოლ ვაშაძე
ერთიანი ნაციონალური მოძრაობა -37.74%

დავით ბაქრაძე
პ/გ "ევროპული საქართველო - მოძრაობა თავისუფლებისთვის"
10.97%

შალვა ნათელაშვილი
საქართველოს ლეიბორისტული პარტია - 3.74%

დავით უსუფაშვილი
პ/გ "თავისუფალი დემოკრატები"- 2.26% 


28 ნოემბერს, სამუშაო დღეს, არჩევნების ჩატარების პირველი შემთხვევა არ იქნება.

ასევე, სამუშაო დღეს  ჩატარდა არჩევნები 2006, 2008 და 2012 წლებში.

კერძოდ, 2006 წლის ადგილობრივი თვითმმართველობის არჩევნები 5 ოქტომბერს, ოთხშაბათს გაიმართა.

2008 წელს, პარლამენტის არჩევნები 21 მაისს, ხუთშაბათს ჩატარდა. 

2012 წლის 1 ოქტომბერს ჩატარებული საქართველოს პარლამენტის არჩევნები, ასევე, სამუშაო დღეს, ოთხშაბათს იყო.