გარემოს ეროვნული სააგენტოს ინფორმაციით, დასავლეთ საქართველოსა და იმერეთის რეგიონში მთელი კვირის განმავლობაში არამდგრადი ამინდებია მოსალოდნელი.

22 ოქტომბერს, უმეტეს რაიონებში, საღამოს საათებამდე იწვიმებს. 

"23 - 24 ოქტომბერს ცალკეულ რაიონებში შესაძლებელია ხანმოკლე წვიმა აღინიშნოს. ჰაერის მაქსიმალური ტემპერატურა 22-23-ში 19-24 გრადუსია მოსალოდნელი. ხოლო 24 ოქტომბერს ტემპერატურა 27-28 გრადუსამდე მოიმატებს", - ამბობს გარემოს ეროვნული სააგენტოს მოკლევადიანი პროგნოზების დეპარტამენტის ხელმძღვანელი, დოდო გვაზავა.

სინოპტიკოსების ცნობით, 25 -26 ოქტომბრის ჩათვლით, ამინდი დასავლეთ საქართველოში განპირობებლი იქნება შავი ზღვის ჩრდილო-დასავლეთიდან შემომავალი ცივი ჰაერის მასებით. ამიტომ, უმეტეს რაიონებში წვიმაა მოსალოდნელი. მაღალმთიან რაიონებში - თოვლი. გაძლიერდება დასავლეთის მიმართულების ქარი, ჰაერის ტემპერატურა მკვეთრად დაიკლებს და 26-27 ოქტომბერს, დაახლოებით, 14-18 გრადუსი იქნება. 

სააგენტოს ინფორმაციით, 27 ოქტომბერს დღის მეორე ნახევრიდან გამოიდარებს და 28-ში უნალექო ამინდია მოსალოდნელი. ჰაერის ტემპერატურა 22-24 გრადუსამდე მოიმატებს.