ფინანსთა სამინისტროს საგამოძიებო სამსახურმა თბილისსა და ოთხ რეგიონში ავტომანაქანებზე ინსპექტირების დადებითად გავლის ყალბი ანგარიშების გაცემის 10 შემთხვევა გამოავლინა.
ტექნიკურად გაუმართავ ავტოსატრანსპორტო საშუალებებზე ყალბ დასკვნას, თბილისში, სამეგრელო-ზემო სვანეთში, იმერეთში, კახეთსა და მცხეთა-მთიანეთში ტექნიკური ინსპექტირების განმახორციელებელი 10 ცენტრი გასცემდა.

ფინანსთა სამინისტროს საგამოძიებო სამსახურის ინფორმაციით, თანამშრომლებმა გამოძიება ბოლო პერიოდში მიღებული ოპერატიული ინფორმაციის საფუძველზე დაიწყეს. ამ ეტაპზე, ტარდება შესაბამისი ექსპერტიზები.

გამოძიება სსკ–ს 362-ე მუხლის მეორე და 221-ე მუხლის მეოთხე ნაწილებით მიმდინარეობს, რაც სასჯელის სახით თავისუფლების აღკვეთას 4-დან 6 წლამდე ვადით ითვალისწინებს.