გარემოს ეროვნული სააგენტოს ინფორმაციით, დასავლეთ საქართველოსა და იმერეთის უმეტეს რაიონში პირველი აგვისტოს ჩათვლით უნალექო ამინდი შენარჩუნდება. 

ჰაერის მაქსიმალური ტემპერატურა ამ დღეებში 33-35 გრადუსი იქნება.  სამიდან ხუთი აგვისტოს ჩათვლით მოსალოდნელია ხანმოკლე წვიმა ელ-ჭექით. 

"სამ-ოთხ აგვისტოს ტემპერატურა დაიკლებს და 24-26 გრადუსი იქნება", - ამბობს გარემოს ეროვნული სააგენტოს მოკლევადიანი პროგნოზების დეპარტამენტის ხელმძღვანელი, დოდო გვაზავა.

სინოპტიკოსები ექვსი აგვისტოდან გამოდარებასა და ჰაერის ტემპერატურის მატებას პროგნოზირებენ.