"საქართველოს ფოსტა" ქუთაისში, გრიშაშვილის ქუჩაზე მდებარე მის საკუთრებაში არსებულ შენობას ყიდის.

87,71 მ² ნაგებობა აუქციონის წესით იყიდება. მისი საწყისი ღირებულება 132 000 ლარს შეადგენს.

"საქართველოს ფოსტაში" განმარტავენ, რომ შენობის გასასხვისებლად ელექტრონული აუქციონი უკვე მეორედ არ შედგა.

"დაინტერესებული პირი არ გამოჩნდა," - ამბობს "საქართველოს ფოსტის" ქონების მართვის განყოფილების უფროსი, როსტომ ნადობანდიშვილი.

ელექტრონული აუქციონის ვებ-გვერდზე განთავსებული ინფორმაციით, ორგანიზაცია საქართველოს მასშტაბით 356 300 ლარის ღირებულების უძრავ ქონებას ყიდის.