მართვის მოწმობის 100 ქულიანი სისტემის ამოქმედებიდან, 2017 წლის 1 ივლისიდან  მიმდინარე  წლის 5 ივლისამდე, მინიჭებული ქულების ამოწურვის გამო მართვის უფლება იმერეთის რეგიონში 28 მძღოლს შეუჩერდა.

შინაგან საქმეთა სამინისტროდან მოწოდებული ინფორმაციის თანახმად, დაფიქსირდა შვიდი ადმინისტრაციული სამართალდარღვევა, რომელმაც მართვის მოწმობაზე მინიჭებული ქულების ამოწურვა და მართვის უფლება 12 თვით შეჩერება გამოიწვია.

მართვის მოწმობის 100 ქულიანი სისტემა 2017 წლის პირველი ივლისიდან ამოქმედდა. ცვლილების თანახმად, მოწმობას ყოველი წლის პირველ იანვარს 100 ქულა ენიჭება და წლის განმავლობაში სამართალდარღვევებზე შესაბამისი ქულები აკლდება.