ქუთაისელი საჯარო მოხელის მიერ ჰომოფობიური შინაარსის შემცველი განცხადების გავრცელების გამო, არასამთავრობო ორგანიზაცია "ევროპა ჩვენი სახლია" თავმჯდომარე, გია გოქაძე ქალაქის მერს მიმართავს.  გია გოქაძე შოთა მურღულიასგან განმარტების გაკეთებას ითხოვს:

"მივმართავ ქუთაისის მუნიციპალიტეტის მერს ბატონ შოთა მურღულიას, რომ გააკეთოს განცხადება იმასთან დაკავშირებით, ეთანხმება თუ არა ქა-ნ მანანა მანგაძის ჰომოფობიურ განცხადებას, რომელიც უკვე პრესის მეშვეობით ცნობილი ხდება ფართო საზოგადოებისათვის.. ბატონი მერი საჯარო მოხელის ამ განცხადების მიუღებლობის შემთხვევაში, აპირებს თუ არა ქა-ნი მანანა მანაგაძის საჯარო სამსახურიდან გათავისუფლებას. ამ საკითხის იგნორირების შემთხვევაში, ან ამ ქალბატონის საჯარო სამსახურში დატოვებით, თუ მერის განცხადება სრულ წინააღმდეგობაში მოვა ქა-ნ მანანა მანაგაძის განცხადებასთან, ჩვენ ვიტოვებთ უფლებას განვაცხადოთ - ქუთაისის მერი ჰომოფობია. არ დაგავიწყდეთ ბატონო მერო, 2017 წელს ქუთაისი არის რაგბში მსოფლიო ჩემპიონატის ერთ -ერთი მასპინძელი ქალაქი", - აცხადებს გია გოქაძე.
ქუთაისის მერიის კულტურის, განათლების, ძეგლთა დაცვის, სპორტისა და ახალგაზრდობის სამსახურის უფროსის მოადგილის მანანა მანაგაძის მიერ სოციალურ ქსელში გავრცელებული ჰომოფობიური შინაარსის შემცველი განცხადება "ქუთაისიპოსტმა" დღეს გამოაქვეყნა. განცხადება გამოქვეყნდა იმ მიზეზით, რომ მანანა მანაგაძე საჯარო მოხელე გახლავთ.