დასავლეთ საქართველოსა და მათ შორის იმერეთის უმეტეს რაიონში 19 ივლისამდე უნალექო ამინდი შენარჩუნდება. 

"17-დან 19 ჩათვლით უნალექო ამინდია მოსალოდნელი. ჰაერის ტემპერატურა მოიმატებს განსაკუთრებით 18-19 ივლისს 30-35 გრადუსამდე", - ამბობს გარემოს ეროვნული სააგენტოს მოკლევადიანი პროგნოზების დეპარტამენტის ხელმძღვანელი, დოდო გვაზავა.

სინოპტიკოსების ვარაუდით, 20 ივლისიდან ტემპერატურა ისევ დაიკლებს და 23 ივლისის ჩათვლით 30 გრადუსს პროგნოზირებენ. დროგამოშვებით ზოგიერთ რაიონში ხანმოკლე წვიმასაც ელიან.