ქუთაისის საკრებულოს ოპოზიციის ნაწილმა ქალაქის ბიუჯეტში მილიონ ნახევრიან ცვლილებას მხარი არ დაუჭირა.
საკრებულოს "ნაციონალური მოძრაობის" დეპუტატებისთვის მიუღებელია ის ცვლილებები, რაც ბიუეჯეტში განხორციელდა.

"მერიას ახლა გაახსენდა, რომ თურმე იმათი მუშაობა, ვინც 1 400 ლარს იღებდა, შეიძლება 900 ლარად, აღმასრულებელმა  დამატებითი თანხები გამოყო ორმოული შეკეთებისთვის, მაშინ, როცა მთელი ქალაქი გადათხრილია. ასეთ ბიუჯეტს ჩვენ მხარს ვერ დავუჭერთ", - განაცხადა სხდომაზე გია უკლებამ.

დეპუტატებმა მერიის ააიპებსა და შპს-ეებში დასაქმებულთა რაოდენობაც გააპროტესტეს და აღმასრულებელს საკითხის გადახედვისკენ მოუწოდეს.

"კარგი იქნება თუ გადახედავთ ხელშეკრულებით აყვანილი თანამშრომლების რაოდენობას შპს-ეებსა და ააიპებში. ძალიან ბევრი ადამიანი გყავთ ხელშეკრულებით დასაქმებული, რაც მნიშვნელოვნად ზრდის ხარჯებს", - განაცხადა საკრებულოს დეპუტატმა, "ევროპული საქართველოდან" მერაბ მეშველიანმა.

ქუთაისის მერიის ინფორმაციით, 1 400 ლარიდან 900 ლარამდე ხელფასი, საბინაო სამსახურში ხელშეკრულებით აყვანილ 5 თანამშრომელს შეუმცირდა, რითიც თვეში 2 500 ლარს დაიზოგება.