უამინდობის გამო ავიაკომპანია ვიზეარის რეისები შეცვლილი დროით შესრულდება.

აღნიშნულ ინფორმაციას კომპანია სოციალურ ქსელში ავრცელებს, სადაც წერია რომ ავიაკომპანია ვიზეარის რეისი კავალა - ქუთაისი, კავალაში ძლიერი უამინდობის გამო გამოფრენას აგვიანებს. ხოლო, ქუთაისში ჩამოფრენის სავარაუდო დრო - 13:30 სთ. ასევე გვიან შესრულდება ავიარეისი ლარნაკას მიმართულებით და სავარაუდო გაფრენის დრო არის 14:15 სთ. ჩაფრენის სავარაუდო დრო 14:10 სთ.

დღეს ასევე, ლარნაკადან რეისი სავარაუდოდ გამოფრინდება 14:45 საათზე. ჩამოფრენის სავარაუდო დრო - 18:30 სთ-ია. 

მემინგენის მიმართულებით ავიარეისი 19:15 სთ-ზე შესრულდება. მემინგენიდან გამოფრენის დრო - 20:35 სთ. ხოლო ქუთაისში რეისი ჩამოფრინდება 03:35 სთ-ზე.