საქართველოს მთავარმა პროკურორმა, ირაკლი შოთაძემ საქართველოს პროკურატურაში შიდა საკადრო ცვლილებები განახორციელა.

დასავლეთ საქართველოს პროკურორად შოთა ტყეშელაშვილი დაინიშნა.

შოთა ტყეშელაშვილმა 2006 წელს დაამთავრა საქართველოს ტექნიკური უნივერსიტეტის ჰუმანიტარულ-ტექნიკური ფაკულტეტი სამართალმცოდნეობის სპეციალობით.

2007 წელს შოთა ტყეშელაშვილმა კარიერა დაიწყო ქ. თბილისის ვაკე-საბურთალოს რაიონული პროკურატურისსტაჟიორად, 2008 წელს მუშაობა განაგრძო მცხეთის რაიონული პროკურატურის პროკურორის პოზიციაზე, ხოლო 2010 წელს ქ. თბილისის ვაკე-საბურთალოს რაიონული პროკურატურის პროკურორად.

2011 წლიდან მისი სამუშაო გამოცდილება უკავშირდება მთავარ პროკურატურას, სადაც ეკავა სხვადასხვა პოზიცია ეკავა.

2012-2013 წლებში მუშაობდა რუსთავის რაიონულ პროკურორად, ხოლო 2013 წლიდან კვლავ განაგრძო მუშაობა საქართველოს მთავარ პროკურატურაში საგამოძიებო ნაწილის საპროკურორო ზედამხედველობის სამმართველოს უფროსის, ხოლო მოგვიანებით, საგამოძიებო ნაწილის უფროსის მოადგილის თანამდებობაზე.

2013-2016 წლებში იყო აჭარის ავტონომიური რესპუბლიკის პროკურორი.

2016 -2018 წლებში იკავებდა შიდა ქართლისა და მცხეთა მთიანეთის საოლქო პროკურორის თანამდებობას.