მოუსავლიანობის მეორე წელი და ღონისძიებები თხილის მოსავლის მისაღებად. მიმდინარე წლის თებერვლიდან აგრონომები ფერმერებს თხილის კულტურაში აგროღონისძიებების დაწყებას ურჩევენ. 

ჩამოცვენილი ფოთლების, გაფუჭებული ნაყოფების გატანა, ამონაყრების მოცილება, ჩახშირებული ტოტების გამოხშირვა, ჩამოცვენილი ფოთლებისა და ნაყოფების გატანა ფართობიდან - ეს ის აუცილებელია მექანიკური ღონისძიებების ჩამონათვალია, რომელის განხორციელება თებერვლიდან უნდა მოხდეს. აპრილის შუა რიცხვებიდან კი, კლიმატური პირობების შესაბამისად, ინტენსიური წამლობები უნდა დაიწყოს. 

"ზოგიერთს ჰგონია რომ თუ ფაროსანასთან მიმართ შეიწამლა ბაღი, გადარჩება. არ არის ეს ასე. აქ სოკოვანი დაავადებებია, არიან მავნებლები, რომლებთა მიმართ საჭიროა კომპლექსური ღონისძიებების გატარება", - გვეუბნება კომპანია "კარტლისის" სამეცნიერო კონსულტანტი, აგრონომი, რევაზ შონია.

მეორე ეტაპი შეწამვლითი ღონისძიებების გატარებაა. ამისათვის დაგჭირდებათ პრეპარატი - კოსაიდი, რომელიც სიდამპლეების წინააღმდეგ გამოიყენება, ორტუსი - ტკიპების საწინააღმდეგოა. მეორე წამლობა პირველი წამლობიდან 15-20 დღის შემდეგ უნდა ჩატარდეს. თუმცა ეს ყველაფერი ფერმერს ერთ ჰექტარზე, დაახლოებით, 800-900 ლარის ფარგლებში დაუჯდებათ. 

აგრონომები ფერმერებს წამლობითი ღონისძიებების გატარებისას სანიტარული ნორმების დაცვასაც ურჩევენ. 

2016-17 წლებში დასავლეთ საქართველოში თხილის მოსავალს სერიოზული ზარალი მიადგა. თხილის კულტურა არა მხოლოდ მავნებელმა მწერმა, აზიურმა ფაროსანამ, არამედ სხვადასხვა სახის სოკოვანმა დაავადებებმაც დააზიანა.  

ამავე თემაზე:

თხილის მოსავლის 70% დასავლეთ საქართველოში შესაძლოა კვლავ განადგურდეს

მოუსავლიანობის მეორე წელი და ღონისძიებები აზიური ფაროსანას დასამარცხებლად