"ქუთაისში გარე ვაჭრობის პრობლემა ძალიან მძაფრად დგას," - ამის შესახებ მომხმარებელთა ფედერაციის თავმჯდომარე, მადონა კოიძე ქუთაისიპოსტთან საუბარში აცხადებს.

მისი თქმით, გარდა იმისა, რომ გარე ვაჭრობის დროს დარღვეულია სანიტარული ნორმები, ეს ამავე დროს, ქალაქისა და სახელმწიფოს იმიჯზე უარყოფითად აისახება.

"ძირიდათი ლოკაციები, სადაც გარევაჭრობაა ჭავჭვაძის გამზირია. ეს არის ტრასა, რომელიც გამვლელმა ტურისტმაც უნდა დაათვალიეროს. გულსატკენი და ქუთაისელებისთვის შეურაცხმყოფელია, რომდესაც მოხდა რეაბილიტაცია, ქალაქის ცენტრი გალამაზდა, ამ ტერიტორიაზე კი გამოფენილია გარევაჭრობა ყველანაირი სანიტარული ნორმების დაცვის გარეშე და აზიანებს მოქალაქეების ჯანმრთელობას. არ უნდა დაგვავიწყდეს, რომ ქუთაისი არის საპარლამენტო ქალაქი და არანაკლებ მნიშვნელოვანია, ვიდრე თბილისი," – აცხადებს მადონა კოიძე.

ის, ასევე იმედოვნებს, რომ ქუთაისში გარევაჭრობის პრობლემით ადგილობრივი ხელისუფლება დაინტერესდება.

"იმედი მაქვს, რომ ახალი მერი გაითვალისწინებს, იზრუნებს ქუთაისის მოსახლეობაზე და აღკვეთავს იმ უმსგავსოებას, რაც ხდება ქუთაისში. ასეთი ლამაზი ტრადიციების მქონე ქალაქში ქვეყნის იმიჯი ზარალდება," - ამბობს მომხმარებელთა ფედერაციის თავმჯდომარე.

ქუთაისის ადგილობრივ მთავრობაში, რომელიც ხელისუფლებაში 2017 წლის თვითმმართველობის არჩევნების გზით მოვიდა, ამ ეტაპზე მხოლოდ იმას ამბობენ, რომ გარევაჭრობა აუცილებლად საკანონმდებლო გზით დარეგულირდება.

"გარევაჭრობის საკითხი აუცილებლად კანონმდებლობით უნდა დარეგულირდეს. გარკვეული რეგულაციების დაწესება საჭიროა, რათა ქალაქის იერსახე შევინარჩუნოთ და ქალაქის ცენტრში ანტისანიტარია არ იყოს," - აცხადებენ ქუთაისის მერიაში.

ქუთაისში გარევჭრობის აკრძალვა ქალაქის ყოფილმა ხელისუფლებამ მიმდინარე წლის გაზაფხულზე სცადა. 24 აპრილს, ღამის საათებში მერიის კეთილმოწყობის სამსახურის წარმომადგენლებმა ე.წ კეჩის ბაზრობაზე გარემოვაჭრეების დახლების დემონტაჟი განახორციელეს.

მერიის ზედამხედველობის განყოფილების უფროსის მოადგილე, ზურაბ დიდბარიძე იმ დროისთვის ჩვენთან საუბარში აცხადებდა, რომ პროცესი ჭავჭავაძის ქუჩიდან ცენტრალური ბაზრის მიმდებარე ტერიტორიაზე გადაინაცვლებდა.

აკრძალვიდან რამდენიმე დღეში ე.წ კეჩის ბაზრობის მიმდებარედ დახლები ისევ გამოჩნდნენ და გარემოვაჭრეებმა თავიანთი პროდუქციის რეალიზება დაიწყეს.
ქუთაისის მერიაში აცხადებდნენ, რომ დაუმორჩილებელ გარმოვაჭრეებს საპარტულო პოლიციას გადასცემდნენ და ისინი დაჯარიმდებოდნენ. თუმცა, დააჯარიმებულთა შესახებ ინფორმაციას არ ფლობდნენ.