ქალაქის ცენტრალურ მოედანზე ბაგრატ მესამესა და დავით აღაშენებლის სახელობის ორსართულიანი, ჯვარგუმბათოვანი ეკლესიის მშენებლობა დაიწყო.

მშენებლობის დაწყება ქუთათელ - გაენათელმა მეუფე კალისტრატემ ტერიტორია აკურთხა და პარაკლისი გადაიხადა.



ქალაქის მერმა განაცხადა, აღნიშნულ ადგილზე ძველ დროსაც ეკლესია იყო განთავსებული და მისასალმებელია, რომ ახლაც ეკლესია იქნება.

"ცენტრალურ მოედანზე ისტორიულად იყო მთავარი ტაძარი, რომელიც კომუნისტების პერიოდში დაინგრა და ახლა სამართლიანად მოხდება ახალი ეკლესიის მშენებლოლობა. პრობლემური იყო ამ ადგილზე მიწის გადაცემა და ეკლესიის მშენებლობის საკითხი, თუმცა, თვითმართველობა მაქსიმალურად დაეხმარა ეპარქიას, რათა ეკლესია აშენებულიყო და მე ამაყი ვარ რომ სიმბოლურად ჩემი მერობის ბოლო დღეს საძირკველი გაჭრის პატივი მერგო," - ამბობს მურღულია.

ქუთათელ-გაენათელმა მეუფე კალისტრატემ ეკლესიის მშენებლობის დაწყება მიულოცა ქუთაისელებს.

პროექტის ავტორის, არქიტექტორი ანდრო მარჯანიშვილის თქმით, მშენებლობა 2-3 წელიწადს გაგრძელდება.

ქალაქის ცენტრალურ მოედანზე ტერიტორია, სადაც ეკლესია უნდა აშენდეს, ქუთათელ-გაენათელმა მიტროპოლიტმა, მეუფე კალისტრატემ 27 სექტემბერს აკურთხა.

ეკლესიის მშენებლობის პროექტის მიხედვით, ტაძარი 7000 კვ. მ.-ზე განთავსდება, ორსართულიანი ეკლესიის პირველი სართული ბაზილიკა, ხოლო მეორე გუმბათოვანი იქნება.

ქალაქის ცენტრალურ მოედანზე ორსართულიანი ტაძრის პროექტი საპატარიარქომ და კულტურული მემკვიდრეობის ეროვნულმა სააგენტომ დაამტკიცა.

სააგენტოს, პროექტის პირველ ვერსიაზე გარკვეული რეკომენდაციები ჰქონდა, რომელიც არქიტექტორ ანდრო მარჯანიშვილის თქმით, გათვალისწინებული და კორექტირებულია.

ორსართულიანი ტაძრის აშენების იდეა ქუთათელ-გაენათელ ეპისკოპოსს, მეუფე კალისტრატეს ეკუთვნის. ანდრო მარჯანიშვილი ამბობს, რომ მეუფეს სურვილია ტაძარი "მაკდონალსდის" რესტორანზე მაღალი გამოჩნდეს.


ამავე თემაზე:

ქუთაისის ცენტრალურ მოედანზე ტაძრის მშენებლობა აგვისტოში იწყება

ქუთაისის ცენტრში ტაძრის მშენებლობის პროექტი საპატრიარქომ დაამტკიცა

რეკომენდაციები ქუთაისის ცენტრში ტაძრის მშენებლობის პროექტზე, რომელიც საპატრიარქომ დაამტკიცა

მეუფე კალისტრატემ ქალაქის ცენტრში, ის ადგილი აკურთხა, სადაც ეკლესია აშენდება (ვიდეო)