ქუთაისის ილია ჭავჭავაძის სახელობის საჯარო ბიბლიოთეკაში ცირა ყურაშვილის ახალი წიგნის "ჟამსა თამაშობისასა" წარდგინება გაიმართება.

ნოველების კრებულში სხვადასხვა დროს დაწერილმა ტექსტებმა მოიყარეს თავი.

"აზროვნების სიღრმე, ხედვის მოულოდნელი კუთხეები, ოსტატურად დაუფლებული ენა – ეს არასრული ჩამონათვალი იმ აქცენტებისა, რაც ცირა ყურაშვილის ნოველებს გამოარჩევს. ეს რჩეულობა, გნებავთ – უკიდურესი ინდივიდუალიზმი, თვითმყოფადობა, აქცევს მას ყოველთვის საინტერესო, ყურადღებამისაქცევ ავტორად", - ასე აფასებენ ნოველათა კრებულს სპეციალისტები.

პრეზენტაცია 2016 წლის 28 სექტემბერს, 16:00 საათზე გაიმართება.