გარემოს ეროვნული სააგენტოს ინფორმაციით, 27-28 თებერვალს საქართველოში თბილი და უნალექო ამინდი იქნება.

ჰაერის ტემპერატურა დღის საათებში დაბლობსა და ბარში +17, +22 გრადუსამდე მოიმატებს.

1 მარტის დღის მეორე ნახევრიდან 6 მარტამდე კი დროგამოშვებით ნალექიანი ამინდია მოსალოდნელი.

სინოპტიკოსების პროგნოზით, ზოგან იქროლებს დასავლეთის მიმართულების ქარი. ჰაერის ტემპერატურა 4-6 გრადუსით დაიკლებს.

რაც შეეხება დედაქალაქს, თბილისში 27-28 თებერვალს და 1 მარტს უნალექო ამინდი იქნება, 2 მარტიდან კი ხანმოკლე წვიმა და ქარია მოსალოდნელი. ჰაერის ტემპერატურა დღის საათებში +18, +20 გრადუსი დაფიქსირდება, ხოლი 2 მარტიდან 4-6 გრადუსით დაიკლებს.