ბლოგები
თეთრი ხიდი - ტარიელ დათიაშვილის ბლოგი
FaceBook
რაც თეთრი ხიდი გააფუჭეს, ერთ რამეს მივხვდი - ნახევარი საუკუნე სულ ტყუილად მივლია ამ ქალაქში.

დღეში ათჯერ მაინც გადავივლიდი და გადმოვივლიდი ხიდს საქმიანი იერით. ყოველთვის სადღაც მიმეჩქარებოდა; ყოველთვის მწყუროდა, მიმესწრო ან მომესწრო. სულ მეგონა, სადღაც მეორე ნაპირზე ისეთი მნიშვნელოვანი საქმეებით ვიყავი დაკავებული, ორჯერ რომ ვერ მოკიდებ ხელს.

ახლა კი, როცა ხიდზე გავლა აღარ მსიამოვნებს და აღარც მინდება, ვხვდები, იქეთ ნაპირზე არაფერი არ არის; არც არასდროს ყოფილა; არც არავინ მელოდება იქ და არც არავითარი სამსახური არ მოუშავებია არავის არასდროს.

ასე ხდება: როცა სიცოცხლე გიყვარს, რა უსაქმურიც არ უნდა იყო, გგონია, კაცი ხარ, მნიშვნელოვანი პიროვნება, მეტიც: გჯერა, რომ სიცოცხლის შემდეგაც არსებობს რაღაც; თითქოს სადაც არ უნდა წახვიდე, შენი საყვარელი ყველგან დაგხვდება.

მაგრამ სიყვარული ქრება და შენც არარაობა ხდები, რამდენი სამსახურიც არ უნდა გქონდეს. თუნდაც მუშაობდე ქუთაისის მერიაში, შენგან მხოლოდ ცარიელი ადგილი რჩება.

მადლობა ქალაქის მერიას, რომ ეს მწარე რეალობა ასეთი ორიგინალური ხერხით დამანახა.

ერთი სიტყვით, იყო დრო, განგებ ვიმრუდებდი გზას, თეთრ ხიდზე რომ გამევლო, ახლა პირიქითაა - გავურბივარ, და როგორც აღმოჩნდა, მარტო არ ვარ, ვისაც ეს ემართება.

რატომ ხდება ასე? გუშინ მივხვდი, ხიდი გაცივდა. ცივია ფოლადი, მარტენის ღუმელშიც კი ვერ თბება გამდნარი, მკაცრი, ცივი ხასიათი აქვს. ხომ გაგიგიათ გამოთქმა - "ფოლადივით ცივი". "ცივი იარაღიც" ფოლადის ყინულოვანი ბუნებიდანაა.

ხიდის გათბობას ახლებურად ანთებული ლამპიონებიც ვერ ახერხებენ. არადა, მომწონს. შორიდან ვაკვირდები ხოლმე, ახლოს ვერ მივდივარ, თითქოს მეშინია, მოულოდნელად ხიდზე არ აღმოვჩნდე.

ზუსტად ამ აღმოჩენამ გამაოგნა.

იყო დრო, ხიდზე ფეხის შედგმისთანავე სულის სიღრმეში რაღაც პატარა, უსახელო დღესასწაული იწყებოდა. ნაბიჯს ვანელებდი, ახლა პირიქით, ნაბიჯი მიჩქარდება, თითქმის გავრბივარ...

იქ ყველაფერი გაყინულია, ფოლადივით ცივია. ვერ გრძნობთ ამას? ვერ გრძნობთ. არადა, სადაც გრძნობაა, იქვეა პატიოსნებაც, მიწაწყლის მთავარი გამათბობელი.

ადრე ის ჩვეულებრივი ხიდი იყო, ერთი ნაპირიდან მეორეზე გადასასვლელი, რომელზეც მანქანები დადიოდნენ, მათ შორის სატვირთოებიც, მაგრამ, მაინც, მსუბუქი იყო, ჰაეროვანი. იმის შემდეგ კი, რაც წონაშიც დაიკლო, აღარც მანქანები აწუხებენ და გოგო-ბიჭების სასეირნო ადგილად გადაიქცა, დამძიმდა. ბევრი არც ეკარება, არ ჩაინგრესო.

ხანდახან მის სახეში იმ კაცს ვუყურებ, რომელიც ტყუილ-უბრალოდ, რაღაც სულელური პოლიტიკური მიზეზის გამო (ვიღაცას ვიღაც არ მოწონდა), სამსახურიდან გააგდეს, ულუკმაპუროდ დატოვეს და ახლა იძლებულია ბავშვების გამრთობის ნიღაბი მოირგოს.

იქნებ, ის, მართლაც, უბრალოდ ერთი ნაპირიდან მეორეზე გადასასვლელი საშუალებაა და მეტი არაფერი? იქნებ, ამ მარტივ დანიშნულებაში პოულობს ის სიმსუბუქეს და ვერ იტანს ამ ეგრეთ წოდებული კულტურული და ესთეტიკური ფუნქციებით დატვირთვას?
მოდით ამოვიგდოთ თავიდან, თეთრი ხიდისაგან "რაღაც მეტის გაკეთების" სურვილი, მისგან რაღაც ავანგარდული ქმნილების შექმნის მოთხოვნილება. მივცეთ მას უბრალოდ ხიდად ყოფნის უფლება. დავაგოთ გუდრონი, გუდრონი თბილია, მანამდე კი - გავამაგროთ. იქნებ, ახალგაზრდობის გახსენებამ გამოაცოცხლოს.

ტარიელ დათიაშვილი
FaceBook Twitter
მსგავსი სიახლეები






აღმასრულებელ და საკანონმდებლო შტოებს შეერთებულ შტატებში ყველაზე
მაღალი უფლებები აქვთ გადანაწილებული. მაგრამ, არის ხშირი
შემთხვევები, როცა მესამე შტო ახდენს იმ ძირეულ გარღვევას სისტემებში
თუ პრობლემებში, რასაც პირველი და მეორე ხელისუფლება ვერ
ახერხებს.
10:44 / 02.04.2019
აღმასრულებელ და საკანონმდებლო შტოებს შეერთებულ შტატებში ყველაზე მაღალი უფლებები აქვთ გადანაწილებული. მაგრამ, არის ხშირი შემთხვევები, როცა მესამე შტო ახდენს იმ ძირეულ გარღვევას სისტემებში თუ პრობლემებში, რასაც პირველი და მეორე ხელისუფლება ვერ ახერხებს.






ცალკეულ კერძს შეუძლია უამრავი ამბავი მოყვეს თავისი შემქმნელი დროისა
თუ ადგილის შესახებ, კიდევ უფრო მეტის მოყოლა შეუძლია იმას, თუ როგორ,
რა გარემოში და ვისთან ერთად მივირთმევთ ამ კერძს.
13:15 / 16.03.2019
ცალკეულ კერძს შეუძლია უამრავი ამბავი მოყვეს თავისი შემქმნელი დროისა თუ ადგილის შესახებ, კიდევ უფრო მეტის მოყოლა შეუძლია იმას, თუ როგორ, რა გარემოში და ვისთან ერთად მივირთმევთ ამ კერძს.

დღის სიახლეები
17:29 / 24.04.2019
ქუთაისის საკრებულოს მმართველი გუნდისა და ოპოზიციის დეპუტატები ერთმანეთს სიტყვიერად დაუპირისპირდნენ.
15:11 / 24.04.2019
ქუთაისის მერიის ეკონომიკის  სამსახურის უფროსის, გიორგი გიორგობიანის თქმით, თვითმმართველობა 60 მუნიციპალური ავტობუსის შემოყვანის გეგმაზე მუშაობს, რომლებიც შესაძლოა ელექტრონული იყოს.
12:35 / 23.04.2019
იმუნიზაციის კვირეულის ფარგლებში, რომელიც 24-30 აპრილის ჩათვლით გაგრეძელდება საქართველოს მოსახლეობას აცრის ჩატარებისკენ მოუწოდებენ.
12:02 / 23.04.2019
ქუთაისის ოპერის თეატრი, რომელსაც სულ მალე 50 წელი უსრულდება, სავალალო მდგომარეობაშია.
10:28 / 22.04.2019
ქუთაისელი სკოლის მოსწავლეები სოციალურად დაუცველ მრავალშვილიან ოჯახს დაეხმარნენ.
16:36 / 21.04.2019
ქუთაისის კათოლიკე ეკლესიაში აღდგომის დღესასწაული აღინიშნა.
12:02 / 21.04.2019
ყავა ბანანით - მარტივი და საოცარი გადაწყვეტაა ზაფხულის ცივი დღეებისათვის.
11:33 / 21.04.2019
დედამიწის მსოფლიო დღის აღსანიშნავად, 22 აპრილს, ქუთაისში, ახალგაზრდა ევროპელი ელჩები სტუდენტებთან, სკოლის მოსწავლეებთან