ბლოგები
მსოფლიო კინოს ლეგენდა, რომელიც ქართულ თილისმას დაატარებდა
FaceBook
შეიძლება დღეს ძალიან ცოტას თუ ახსოვს, რომ მსოფლიო კინოს მრავალი შედევრის, ისეთების, როგორიცაა 1940 წელს ჰოლივუდში გადაღებული "ზოროს ნიშანი" და უფრო ადრე, 1933-ში ეკრანებზე გამოსული "დედოფალი ქრისტინეს" რეჟისორი თბილისში დაბადებული ხელოვანი, მამულეთით მუხრანელი, რუბენ მამულიანია.

15-მდე მსოფლიო შედევრი, დირექტორთა გილდიის ჯილდო, ვარსკვლავი ჰოლივუდ-ბულვარზე, - ეს მხოლოდ მშრალი ჩამონათვალია.

მე არ მოვყვები მის ბიოგრაფიას, დედა რომ თბილისის სომხური თეატრის მსახიობი იყო და მამა ტფილისელი ბანკირი.

არც იმას, რომ მის სახელს უკავშირდება ჰოლივუდში მუნჯური ფილმის გარიჟრაჟზე ორი მიკროფონისა და ორი კამერის დამკვიდრება - მან პირველმა განახორციელა ხმის სინთეზური ჩაწერა ორი მიკროფონით და გამოიყენა ორი კამერა, რითაც ერთ მოქმედებას დამატებითი ხედვის კუთხე შესძინა. მისი "ზოროს ნიშანის"ვერცერთმა შემდეგ გამოსულმა ვერსიამ შეძლო გადაეფარა ის ნოვატორული ხერხი და შთაბეჭდილება, რაც მის ფერთა გამაში, მის წითელში გამოიხატა.

მაგრამ არის ერთი რამ, რაც ჩემთვის საინტერესოს ხდის ამ სახელსა და გვარს.
და მისი საქართველოსადმი, თბილისისადმი სიყვარულით, კითხვის ნიშანსაც არ ვუსვამ მის ქართველობას.

ამ ყველაფერს პირად საუბრებში მიყვებოდა სიკვდილამდე რამდენიმე თვით ადრე "ილუზიონის" ლეგენდა ოთარ სეფიაშვილი. ვიჯექით მის ნიუ-იორკულ მყუდრო ბინაში და ზამთრის გრძელ ღამეებს თეთრად ვათენებდით.

1960-ში, პირველად რომ შეხვედრია ოთარი მოსკოვის კინო-ფესტივალზე, რუსულად ესაუბრებოდა თბილისზე, მის აღმართ-დაღმართიან რიყის ქვით მოკირწყლულ ქუჩებზე, მტკვარსგაღმა კლდეზე გადმოკიდებული აივნიანი სახლები ისევ თუ დგასო. გაუხსენებია თავისი მამულეთი - მუხრანი და, უცბად, მოულოდნელად ქართულად მოუყოლებია:

"როცა მუხრანში დიდედასთან ჩავიდოდი და ორღობეში გავივლიდი (ეს "ორღობე" სპეციფიკურად ქართულად, რაღაც თავისებური ხაზგასმით წარმოუთქვამს), მეზობელი დედაკაცები ერთმანეთს გადაულაპარაკებდნენ: - მამულაანთ კატოს შაქროს ბიჭი მოდისო".

გაოცებისგან პირი დამრჩა ღიაო, მიყვებოდა ოთარი. შემდეგ მითხრაო: დიახ, აგერ ორმოცი წელია ამერიკაში ვცხოვრობ და არ დამვიწყნია ქართულიო. პაპაჩემი და დიდედა (მამის მხრიდან) ისევე როგორც ჩვენი ოჯახის ბევრი ახლობელი და ნათესავი, "მამულაანთნი" ქართულად ვმეტყველებდითო.

1971-ში რუბენ მამულიანს თბილისში ჩასვლის ნება დართეს. სასტუმრო "ივერიის" ოთახში ოთარი მაშინ შესულა, როცა მამულიანი წიგნში, ფურცლებშუა საგულდაგულოდ აწყობდა ხის ფოთლებს. "გუშინ მუხრანში ვიყავი, ჩემს მამულეთში, პაპაჩემის ნასახლარზე ხეხილის ფოთლები დავკრიფე, მინდა თან წავიღოო" - თავი უმართლებია ოთართან.

რუსთაველზე გაუსეირნიათ. ოპერის თეატრთან შადრევანს დაეწაფა თურმე. - აქაურს წყალსაც კი სხვა გემო აქვსო, - საერთოდ, რა გინდაც გაიზარდოს თბილისი, მაინც გამორჩეული კოლორიტის ქალაქად დარჩებაო.

მერე რუსთაველის თეატრში შესვლა უთხოვია. იმხანად რუსთაველის თეატრში ხანძრის შემდგომი აღდგენითი სამუშაოები მიმდინარეობდა. სცენის ოქროცურვილი ჩუქურთმიანი ჩარჩოდან თაბაშირის პატარა ჩამონატეხი შეუნიშნავს ძირს დაგდებული. დახრილა და აუღია. უკითხავს - თუ შეიძლება თან რომ წავიღოო.

მერე ხელსახოცში გამოკრა ის ნატეხი, სწორედ იმ ყაიდაზე - რასმე ძვირფასს რომ გამოკრავდნენ ხოლმე ძველად.

სიკვდილამდე, გულისჯიბეში გამოკრული ჰქონია ეს ქართული თილისმა მსოფლიო კინოს ლეგენდას, რუბენ მამულიანს.
FaceBook Twitter
მსგავსი სიახლეები

ეს ფოტო ჩემს მეხსიერებაში,
პირველად, მგონი 20 წლის წინათ, ახალი ჩამოსული რომ ვიყავი
ნიუ-იორკში, მაშინ გაჩნდა.
08:39 / 16.06.2019

ეს ფოტო ჩემს მეხსიერებაში, პირველად, მგონი 20 წლის წინათ, ახალი ჩამოსული რომ ვიყავი ნიუ-იორკში, მაშინ გაჩნდა.


ვიღაც შემეკამათება, ჩხუბი და
დაძაბულობა არცერთ საქმეში არ ვარგაო.


გაურკვევლობა, მთლად
უარესიაო.
ქვემოთ, რასაც
მოგიყვებით, სრულებით
საპირისპიროს ამტკიცებს.
08:27 / 15.06.2019

ვიღაც შემეკამათება, ჩხუბი და დაძაბულობა არცერთ საქმეში არ ვარგაო.

გაურკვევლობა, მთლად უარესიაო.

ქვემოთ, რასაც მოგიყვებით, სრულებით საპირისპიროს ამტკიცებს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
18 ივლისს ქუთაისის მელიტონ ბალანჩივაძის სახელობის ოპერისა და ბალეტის პროფესიული სახელმწიფო თეტარი  50-ე თეატრალურ სეზონს დახურავს.
ქუთაისში ზურაბ ანჯაფარიძის ქუჩა  #60-ში მცხოვრები ეფრემიძეები დახმარებას ითხოვენ.
"ტორპედო" -"ორდაბასის" მატჩზე დასწრების მსურველებისთვის ქუთაისის მერიამ უფასო ავტობუსები გამოიყო.
სამტრედიის ბაღებში ცხენის ხორცის შეტანის ფაქტზე დაკავებულ ნუგზარ  მარკოიძეს,  ქუთაისის საქალაქო სასამართლომ 20 000 ლარიანი  გირაოს სანაცვლოდ გათავისუფლებაზე უარი უთხრა.
ქუთაისის ცენტრალურ ბაღში გამაგრილებელი სასმელების მაცივარი გატეხეს.
"ტორპედოს" შენი მხარდაჭერა ისე სჭირდება, როგორც არასდროს“ - ამ სლოგანით კლუბი გულშემატკივრებს 18 ივლისს, ევროპა ლიგის მატჩზე  დასწრებისკენ მოუწოდებს.
კაფე ,,სავანეს’’ მეპატრონეები ქუთაისის სააპელაციო სასამართლოს გადაწყვეტილებას სტრასბურგში  გააპროტესტებენ.
ქუთაისის მერია პარტია "თავისუფალი საქართველოს" თავმჯდომარის მოადგილეს, გოგი წულაიას ბრიფინგს პასუხობს.