ახალი ამბები
ხუთწლიანი განხილვის შემდეგ, სასამართლომ, საქმეში ბრალდებულ გეგუთის ციხის ხუთივე თანამშრომელს გირაო და ერთწლიანი პირობითი სასჯელი შეუფარდა.
"ლევან კორტავა მიწაშია და ამათ, თურმე, შვილები ყავთ და ამიტომ უნდა გაათავისუფლონ. ეს არის მურუსიძის სასამართლო. სხვა მოლოდინი არც მქონდა",–ამბობს ხათუნა კორტავა.
მისი თქმით, გამოძიებას არც კი დაუკითხავს საქმის ერთ–ერთი მთავარი ფიგურანტი, გეგუთის ციხის ყოფილი რეჟიმის უფროსი, თენგიზ კუჭავა. ყოფილი დირექტორი, მალხაზ სინაურიძე კი, რომელიც მომხდარის შესახებ ინფორმირებული იყო, მაღალჩინოსნების დახმარებით საზღვარგარეთ გაემგზავრა და დღემდე იქ ცხოვრობს.
ხათუნა კორტავა ამბობს, რომ მისი ძმისშვილი ციხის ადმინისტრაციასა და ე.წ. მაყურებლებს შორის "ოფშიაკის" ფულის გამო დაწყებულ გარჩევებს შეეწირა. მისი თქმით, ციხის მაშინდელ უფროსს, მალხაზ სინაურიძეს ამავე ციხის ე.წ. მაყურებელთან, ლაშა კვანტალიანთან "ოფშიაკის" ფულის გამო კონფლიქტი ჰქონდა. სინაურიძემ პრობლემის მოგვარების სანაცვლოდ მსჯავრდებულს, ლევან კორტავას გადაცემა შესთავაზა, რომელსაც თავის მხრივ კვანტალიანთან ჰქონდა კონფლიქტი. ამ დროს ლევან კორტავა სასჯელს რუსთავის ციხეში იხდიდა. ხათუნა კორტავას თქმით, 12 მაისს, კვირა დღეს, როცა პატიმრების ეტაპირება არ ხდება, კორტავა სპეციალურად ამ მიზნით გადაიყვანეს გეგუთის ციხეში, რათა სინაურიძეს კორტავას ხარჯზე ლაშა კვანტალიანთან "ოფშიაკთან" დაკავშირებული პრობლემები მოეგვარებინა.
გამოძიების ინფორმაციით, გეგუთის ციხეში კორტავას გადაყვანიდან რამდენიმე წუთში, მასსა და დაწესებულების უსაფრთხოების განყოფილების მაშინდელ ინსპექტორ, ილია შანშაშვილს შორის სიტყვიერი შელაპარაკება მოხდა, რომლის მოგვარებაც შანშაშვილმა სწორედ ლაშა კვანტალიანს დაავალა. ამის შემდეგ, ილია შანშაშვილის წახალისებით, ლევან კორტავა ექვსმა პატიმარმა განსაკუთრებული სისასტიკით, ელექტრო ჩაიდნითა და ვენტილატორის გამოყენებით სცემა. მათ ცემა არც მას შემდეგ შეუწყვიტავთ, რაც კორტავამ გონება დაკარგა.
23 წლის ლევან კორტავა საავადმყოფოში, გონზე მოუსვლელად გარდაიცვალა.
მომხდარზე გეგუთის ციხის ხუთი თანამშრომელი იყო დაკავებული. ბრალი წაუყენეს და დღემდე სასჯელს იხდის ის ექვსი პატიმარი, ვინც კორტავას სასტიკ ცემაში მონაწილეობას იღებდა.
ქუთაისის საქალაქო სასამართლომ, გეგუთის ციხეში მოკლული ლევან კორტავას საქმეზე განაჩენი გამოაცხადა
20:03 / 16.12.2018
ხუთწლიანი განხილვის შემდეგ, სასამართლომ, საქმეში ბრალდებულ გეგუთის ციხის ხუთივე თანამშრომელს გირაო და ერთწლიანი პირობითი სასჯელი შეუფარდა.
მოკლულის მამიდა, ხათუნა კორტავა ამბობს, რომ სამართალი არ აღსრულდა
და ის განაჩენს ყველა ინსტანციის სასამართლოში გაასაჩივრებს, შემდეგ
კი სტარსბურგის სასამართლოსაც მიმართავს.
"ლევან კორტავა მიწაშია და ამათ, თურმე, შვილები ყავთ და ამიტომ უნდა გაათავისუფლონ. ეს არის მურუსიძის სასამართლო. სხვა მოლოდინი არც მქონდა",–ამბობს ხათუნა კორტავა.
მისი თქმით, გამოძიებას არც კი დაუკითხავს საქმის ერთ–ერთი მთავარი ფიგურანტი, გეგუთის ციხის ყოფილი რეჟიმის უფროსი, თენგიზ კუჭავა. ყოფილი დირექტორი, მალხაზ სინაურიძე კი, რომელიც მომხდარის შესახებ ინფორმირებული იყო, მაღალჩინოსნების დახმარებით საზღვარგარეთ გაემგზავრა და დღემდე იქ ცხოვრობს.
ხათუნა კორტავა ამბობს, რომ მისი ძმისშვილი ციხის ადმინისტრაციასა და ე.წ. მაყურებლებს შორის "ოფშიაკის" ფულის გამო დაწყებულ გარჩევებს შეეწირა. მისი თქმით, ციხის მაშინდელ უფროსს, მალხაზ სინაურიძეს ამავე ციხის ე.წ. მაყურებელთან, ლაშა კვანტალიანთან "ოფშიაკის" ფულის გამო კონფლიქტი ჰქონდა. სინაურიძემ პრობლემის მოგვარების სანაცვლოდ მსჯავრდებულს, ლევან კორტავას გადაცემა შესთავაზა, რომელსაც თავის მხრივ კვანტალიანთან ჰქონდა კონფლიქტი. ამ დროს ლევან კორტავა სასჯელს რუსთავის ციხეში იხდიდა. ხათუნა კორტავას თქმით, 12 მაისს, კვირა დღეს, როცა პატიმრების ეტაპირება არ ხდება, კორტავა სპეციალურად ამ მიზნით გადაიყვანეს გეგუთის ციხეში, რათა სინაურიძეს კორტავას ხარჯზე ლაშა კვანტალიანთან "ოფშიაკთან" დაკავშირებული პრობლემები მოეგვარებინა.
გამოძიების ინფორმაციით, გეგუთის ციხეში კორტავას გადაყვანიდან რამდენიმე წუთში, მასსა და დაწესებულების უსაფრთხოების განყოფილების მაშინდელ ინსპექტორ, ილია შანშაშვილს შორის სიტყვიერი შელაპარაკება მოხდა, რომლის მოგვარებაც შანშაშვილმა სწორედ ლაშა კვანტალიანს დაავალა. ამის შემდეგ, ილია შანშაშვილის წახალისებით, ლევან კორტავა ექვსმა პატიმარმა განსაკუთრებული სისასტიკით, ელექტრო ჩაიდნითა და ვენტილატორის გამოყენებით სცემა. მათ ცემა არც მას შემდეგ შეუწყვიტავთ, რაც კორტავამ გონება დაკარგა.
23 წლის ლევან კორტავა საავადმყოფოში, გონზე მოუსვლელად გარდაიცვალა.
მომხდარზე გეგუთის ციხის ხუთი თანამშრომელი იყო დაკავებული. ბრალი წაუყენეს და დღემდე სასჯელს იხდის ის ექვსი პატიმარი, ვინც კორტავას სასტიკ ცემაში მონაწილეობას იღებდა.
მსგავსი სიახლეები
14:51 / 24.04.2024
"ნაციონალური მოძრაობის" დეპუტატებმა, ქუთაისის საკრებულოს სხდომა,
ხმაურის და დაპირისპირების ფონზე დატოვეს.
12:32 / 24.04.2024
“არა რუსულ კანონს” - ამ სლოგანით, ქუთაისში, უკვე მეცხრე დღეა,
საპროტესტო აქციები მიმდინარეობს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები