ახალი ამბები
„საქართველო, გადასახადების სიმცირით, მსოფლიოში მესამე ადგილზეა“ – ფინანსთა მინისტრი
FaceBook
საქართველოს ფინანსთა მინისტრის, ივანე მაჭავარიანის თქმით, საქართველო დაბალი გადასახადების მიხედვით მსოფლიო რეიტინგებში მესამე ადგილზეა.
ფინანსთა მინისტრმა განცხადება ამის შესახებ 2019 წლის სახელმწიფო ბიუჯეტის პროექტის წარდგენის დროს ისაუბრა.

"საქართველო გადასახადების სიმცირით მსოფლიოში მესამე ადგილზეა და ეს არის იმ რეფორმების შედეგი, რომელსაც საქართველოს მთავრობა ატარებს ბოლო წლების განმავლობაში",–განაცხადა ივანე მაჭავარიანმა.

ფინანსთა მინისტრმა ქვეყანაში უმუშევრობის პრობლემაზეც ისაუბრა. მისი თქმით, ბიზნესექტორის განვითარების მიუხედავად, ეს ფაქტი უმუშევრობის მნიშვნელოვნად შემცირების საშუალებას არ იძლევა.

"ბოლო წლებში ბიზნესექტორში დასაქმებულთა რიცხვი საშუალოდ 40 000–ით იზრდება, თუმცა, ეს მაინც არ იძლევა საშუალებას ქვეყანაში მნიშვნელოვნად შევამციროთ უმუშევრობის მაჩვენებელი, ამიტომ მიგვაჩნია, რომ აუცილებელია ჩვენი ფინანსები მივმართოთ ადამიანური კაპიტალის განვითარებასა და მცირე და საშუალო ბიზნესის ხელშეწყობისთვის",–განაცხადა ივანე მაჭავარიანმა.

ბიუჯეტის პროექტის წარდგენის შემდეგ მინისტრს დეპუტატებმა შეკითხვები დაუსვეს.

დეპუტატებს ძირითადად შეკითხვები ჰქონდათ იმაზე, თუ რამდენად აისახება 2019 წლის ბიუჯეტი თითოეული მოქალაქის კეთილდღეობაზე. ოპოზიციამ ხელისუფლება 2018 წლის ბიუჯეტში აუთვისებელი თანხების გამო გააკრიტიკა. მთავრობამ დღეს შენიშვნა უმრავლესობისგანაც მიიღო. ზაქარია ქუცნაშვილის თქმით, ბიუჯეტის წარდგენას მთავრობა სრული შემადგენლობით უნდა ესწრებოდეს და ისინი შესაბამისი მიმართულებით დასმულ შეკითხვებს უნდა პასუხობდნენ.

დეპუტატები ბიუჯეტის პროექტს მესამე მოსმენით განიხილავენ.

საქართველოს 2019 წლის ბიუჯეტი 13 მილიარდი ლარით განისაზღვრა.

Print E-mail
FaceBook Twitter
მსგავსი სიახლეები
15:21 / 19.04.2024
"ოქროს ჩარდახის“ რეაბილიტაცია, რომლის პროექტმაც საზოგადოების გარკვეულ წრეებში პროტესტი გამოიწვია, დასრულდა.
საქართველოში ოფშორების საკითხი განსაკუთრებით აქტუალური წელს გახდა.
14:08 / 19.04.2024
საქართველოში ოფშორების საკითხი განსაკუთრებით აქტუალური წელს გახდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.