ახალი ამბები
არჩევნებამდე ორი თვით ადრე გაზრდილი შტატები ქუთაისის მერიაში
FaceBook
ქუთაისის მერიამ საპრეზიდენტო არჩევნებამდე ორი თვით ადრე მერიაში ხუთი ახალი შტატი შექმნა. ადგილობრივ თვითმმართველობაში ამბობენ, რომ ცვლილება "ადმინისტრაციულ სამართალდარღვევათა კოდექსის" ახალმა მოთხოვნებმა განაპირობა, რომლის მიხედვითაც 1 ივლისიდან მუნიციპალიტეტებს საზედამხედველო ფუნქციების განხორციელება დაევალა.

ცვლილების მიხედვით, მუნიციპალიტეტები ვალდებული იქნებიან ზედამხედველობა გაუწიონ და აღკვეთონ სხვადასხვა ადმინისტრაციული კანონდარღვევა. ერთ-ერთი, რისი მონიტორინგიც მერიას დაევალება, ხმაურის შესახებ კანონის დარღვევაა. კოდექსში შეტანილი ცვლილების მიხედვით, დღის ან ღამის საათებში როგორც კერძო საკუთრებაში, ასევე, საზოგადოებრივ დაწესებულებაში აკუსტიკური ხმაურის დასაშვები ნორმის გადამეტება დასჯადი იქნება. ცვლილება, ასევე, შეეხება ღამით პრიოტექნიკის გამოყენებას, თამაბაქოს რეკლამირებას მისი რეალიზაციის მიზნით და ნარჩენების მართვის შესახებ კანონით გათვალისწინებულ დარღვევებს.

მუნიციპალიტეტებისთვის დაკისრებული ახალი ფუნქციების შესასრულებლად ქუთაისის მერიის ზედამხედველობის სამსახურს ხუთ შტატიანი განყოფილების შექმნა დასჭირდა. სამსახურის უფროსი ზვიად ჯავახია ამბობს, რომ ისედაც მწირი რესურსის ფარგლებში დამატებითი ფუნქციების შესრულებას ვერ შეძლებდნენ.

"ხუთი თანამშრომელი არ არის დიდი შენაძენი ჩვენი სამსახურისთვის, მაგრამ ვეცდებით არსებული რესურსებით შევასრულოთ ჩვენი ფუნქციები", - განაცხადა ზვიად ჯავახიამ.

ქუთაისის მერიის ზედამხედველობის სამსახურს ამჟამად 22 თანამშრომელი ჰყავს. ახალი შტატების დამატების შემდეგ  მათი რაოდენობა 27-მდე გაიზრდება.

ქუთაისის მერიისგან განსხვავებით 4-5 თანამშრომელია დასქმებული იმერეთის მუნიციპალიტეტების ზედმხედველობის სამსახურების უმრავლესობაში, თუმცა, მათ  ახალი ფუნქციების შესასრულებლად დამატებითი შტატების შექმნა არ დასჭირვებიათ.

საჩხერეს მერის მოადგილე, თამაზ ნადირაძე ამბობს, რომ ზედამხედველობის სამსახურში 4 თანამშრომელი ჰყავს და ამის მიუხედავად ახალი განყოფილების შექმნას მერია არ აპირებს.

4 თანამშრომელი ჰყავთ ჭიათურის ზედამხედველობის სამსახურშიც, თუმცა, სამსახურის უფროსი, დავით ბრეგვაძე ამბობს, რომ ახალი განყოფილება მათთან არ შექმნილა.

კადრების დამატებას არ აპირებენ არც ტყიბულში, ზესტაფონში, ხონში, წყალტუბოსა და თერჯოლაში.

თერჯოლის მუნიციპალიტეტში ამბობენ, რომ ასეთი საჭიროება რომც დადგეს, თანამშრომლებს ფუნქციების შესაბამისად  გადაანაწილებენ, შტატების დამატებას კი არ გეგმავენ.

სამტრედიის მუნიციპალიტეტის იურიდიული განყოფილების უფროსი, ნიკა სანაძე ამბობს, რომ განყოფილების შექმნას გეგმავენ, თუმცა, ახალი კადრების მიღებას არც აქ აპირებენ.

"ვაპირებთ ცალკე განყოფილების შექმნას, მაგრამ არა ახლების ხარჯზე. ის თანამშრომლები, რომლებიც არიან სხვადასხვა სამსახურში, ერთად მოიყრიან თავს",-ამბობს სამტრედიის მუნიციპალიტეტის იურდიული განყოფილების უფროსი, ნიკა სანაძე.

ვინ და რა რესურსით შეასრულებს მუნიციპალიტეტისთვის დაკისრებულ საზედამხედველო ფუნქციებს, ჯერ ზუსტად არ იციან ბაღდათში. ბაღდათის მუნიციპალიტეტში ამბობენ, რომ საკითხთან დაკავშირებით მიმდინარეობს მუშაობა.

მცდელობის მიუხედავად ვერ მოხერხდა ვანისა და ხარაგაულის მუნიციპალიტეტებთან დაკავშირება.

ქუთაისის მერიაში ახალი განყოფილების შექმნას წინასაარჩევნოდ პარტიული რესურსის მობილიზებად აფასებს ოპოზიცია. მათი თქმით, ეს ასევე, გაზრდის სახელფასო ხარჯებს.

"ამ ფუნქციების შესრულება სამსახურს არსებული რესურსითაც შეეძლო, მაგრამ ფაქტია, რომ ეს არის პოლიტიკური აქტივის მობილიზაცია წინასაარჩევნოდ",- განაცხადა საკრებულოში "ევროპული საქართველოს" დეპუტატმა, მერაბ მეშველიანმა.

ოპოზიციის თქმით, ადგილობრივ ბიუჯეტს ხუთი შტატის დამატება წლიურად 50 000 ლარამდე დაუჯდება.

ახალ პოზიციებზე მერიამ თანამშრომლები კონკურსის წესით უნდა შეარჩიოს.

FaceBook Twitter
მსგავსი სიახლეები
ქუთაისის საერთაშორისო აეროპორტს,  ახალი ტერმინალის
მშენებლობის დასრულების შემდეგ შვიდი გასასვლელი ექნება.
13:13 / 18.07.2019

ქუთაისის საერთაშორისო აეროპორტს,  ახალი ტერმინალის მშენებლობის დასრულების შემდეგ შვიდი გასასვლელი ექნება.

10:50 / 18.07.2019
"ტორპედო" -"ორდაბასის" მატჩზე დასწრების მსურველებისთვის ქუთაისის მერიამ უფასო ავტობუსები გამოიყო.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
"ტორპედო" -"ორდაბასის" მატჩზე დასწრების მსურველებისთვის ქუთაისის მერიამ უფასო ავტობუსები გამოიყო.
სამტრედიის ბაღებში ცხენის ხორცის შეტანის ფაქტზე დაკავებულ ნუგზარ  მარკოიძეს,  ქუთაისის საქალაქო სასამართლომ 20 000 ლარიანი  გირაოს სანაცვლოდ გათავისუფლებაზე უარი უთხრა.
ქუთაისის ცენტრალურ ბაღში გამაგრილებელი სასმელების მაცივარი გატეხეს.
"ტორპედოს" შენი მხარდაჭერა ისე სჭირდება, როგორც არასდროს“ - ამ სლოგანით კლუბი გულშემატკივრებს 18 ივლისს, ევროპა ლიგის მატჩზე  დასწრებისკენ მოუწოდებს.
კაფე ,,სავანეს’’ მეპატრონეები ქუთაისის სააპელაციო სასამართლოს გადაწყვეტილებას სტრასბურგში  გააპროტესტებენ.
ქუთაისის მერია პარტია "თავისუფალი საქართველოს" თავმჯდომარის მოადგილეს, გოგი წულაიას ბრიფინგს პასუხობს.
დღეს, 16  ივლისს, 18:00 საათზე პრესკლუბ "მედიარუმში" კაფე-ბარ "სავანეს" მეპატრონეების ბრიფინგი.
ქუთაისის სააპელაციო სასამართლომ კაფე "სავანეს ",   ობიექტის ქვეშ არსებულ მიწის ნაკვეთზე საკუთრების უფლების აღიარებაზე უარი უთხრა.