ქუთაისიპოსტი

2018 წლის 1 იანვრიდან აირბალონების შემოწმება სავალდებულო ხდება.

ქუთაისში მძღოლებისთვის პრობლემას ის წარმოადგენს, რომ ამ დროისთვის ქალაქში გაზზე მომუშავე ავტომობილების ინპექტირების უფლებამოსილი ორგანო არ არსებობს.

რა განმარტებას აკეთებენ ეკონომიკის სამინისტროში და როდის მოგვარდება ეს პრობლემა ნახეთ სიუჟეტში:



ავტოსატრანსპორტო საშუალებებზე აირბალონიანი მოწყობილობის განთავსების, ტექნიკურ მოთხოვნებთან მისი შესაბამისობის შეფასების
და უსაფრთხო ექსპლუატაციის საკითხებს 2014 წელს მიღებული საქართველოს მთავრობის #80 დადგენილება არეგულირებს.

2015 წლიდან, მასში შესული ცვლილებების თანახმად, (მთავრობის № 437 დადგენილება) აირბალონიანი მოწყობილობის სისტემის იდენტიფიკაცია და ტექნიკური შემოწმება სავალდებული გახდა. ამასთანავე, ინსპექტირების ორგანოს უფლებამოსილმა პირმა უნდა შეამოწმოს აირბალონიანი მოწყობილობის სისტემების შემოწმების დამადასტურებელი დოკუმენტი და მისი არქონის შემთხვევაში, ჩაატაროს მოწყობილობის შემოწმება.

მთავრობის დადგენილებით, ნახშირბადიანი ფოლადისგან ან ლითონპლასტიკისგან დამზადებული აირბალონების პერიოდული შემოწმება - 3 წელიწადში ერთხელ, ლეგირებული ფოლადისგან დამზადებული აირბალონების პერიოდული შემოწმება - 5 წელიწადში ერთხელ უნდა განხორციელდეს.

იმ შემთხვევაში, თუ მწარმოებლის დოკუმენტაციით არ ირკვევა აირბალონის მასალის შემადგენლობა, მისი შემოწმება სავალდებულოა 3 წელიწადში ერთხელ.
საქართველოში რამდენ ავტომობილს აქვს დამონტაჟებული აირბალონი, ამის შესახებ ზუსტი სტატისტიკა არ არსებობს. არაოფიციალური მონაცემებით კი მათი რიცხვი 250 000-დან 300 000-მდეა.