ვიდეო
სიამოვნებისთვის და ურთიერთთრობისთვის - "ცისფერყანწელები" , ღვინო ექსკლუზიურად ქუთაისისთვის (ვიდეო)
ღვინო, რომელიც ექსკლუზიურად ქუთაისისთვის შექმნეს, ქალაქიდან 40 წუთის სავალზე, სოფელ როდინაულში ამზადებენ. ღვინო იმერულია. თეთრი, ახალგაზრდა და კეკლუცი.
ღვინოს სახელად "ცისფერყანწელები" 25 წლის ქრისტინე მაღლაკელიძე ამზადებს.

"ეს სახელი იმიტომ დავარქვი, რომ ზუსტად გემოც და ხასიათიც ცისფერყანწელების აქვს", - ამბობს ქრისტინე. 

ის საბოლოო პროდუქტის მიღებამდე, იმერულ ცოლიკაურს ოჯახთან ერთად კრეფს, შემდეგ  წურავს. საკუთარ თავზე იღებს ღვინის ბოთლში ჩამოსხმასაც.

ამ პროცესებში ჩასართავად, ოჯახის წევრების დარწმუნება დასჭირდა. მათთვის უნდა დაემტკიცებინა, რომ მეღვინეობაშიცაა ქალის ადგილი . თავდაპირველად მისი მხოლოდ ბაბუას სჯეროდა. ახლა, ყველას სჯერა.

ოჯახში წარმატების მიღწევიდან, ღვინის წარმატებულად წარმოების დაწყებამდე, ქრისტინე ერთი წელი ემზადებოდა. მსხვერპლიც გაიღო, რაც იმაში გამოიხატა, რომ შეგროვილი თანხა, რომლითაც უნდა ემოგზაურა ცისფერყანწელებს დაახარჯა. ახლა მისი არჩევანით თავადაც კმაყოფილია და ცისფერყანწელების მოყვარულებიც.




მაღლაკელიძეების ოჯახის ღვინის წარმოებაში ქალის ჩარევამ ბევრი რამ შეცვალა. ლიტრობით ღვინის გაყიდვის პრაქტიკა ბოთლში ჩამოსხმულმა პროდუქტმა ჩაანაცვლა -  ის არ იქმნება უხვად სმისთვის, არამედ სიამოვნებისთვის და ურთიერთთრობისთვის - გვიყვება ქრისტინე. რადგან  ეს არის ღვინო,  რომელმაც მომხმარებელს ორმაგი სარგებელი უნდა მოუტანოს: შეცვალოს სმის კულტურა და თავიდან აღმოაჩენინოს ცისფერყანწელთა შემოქმედება, რომლის ფრაგმენტებსაც ღვინის ბოთლის ეტიკეტიდანაც  ვეცნობით. 

"აშკარაა, ევროპა შემოაღებს კარებს და ამ დროს ჩვენ უნდა დავხვდეთ შეჭურვილი ეროვნული შემეცნებით, რომ იყოს მთავარი მორგვი, რომელზედაც მოეხვევა ახალი იდეები. მაშინ იქნება ნამდვილი რენესანსი და ამ ეროვნული აღორძინების სადღეგრძელოს სრულიად სერიოზულად ვსვამ ცისფერი ყანწებით," - ტიციან ტაბიძეს ამ ფრაზებით ამბობს თავის სათქმელს ღვინის მწარმოებლიც.

"ცისფერყანწელების ამოცანას წარმოადგენდა - ქართული პოეზიის გამართვა და ევროპული პოეზიის სიახლეების ათვისება. მათ სწამდათ სიტყვის ძალა და ცდილობდნენ სიტყვათა ჩვეულ მნიშვნელობებს მიღმა მათი დაფარული არსი, საგანთა და მოვლენათა კავშირები აღმოეჩინათ. გვჯერა, ღვინოსთან ერთად ეს გაცილებით მარტივად მიიღწევა. სწორედ ცისფერი ორდენის შემოქმედების აქტუალიზაცია, მათი ხელახლა აღმოჩენის მცდელობაა ჩვენი მხრიდან. გვსურს იმგვარად მიეწოდოს ღვინო მომხმარებელს, რომ ამით მიიღოს სიამოვნება და არა ტვირთი," - ამბობს ახალგაზრდა მეღვინე.




ცისფერყანწელები ჯერ მხოლოდ ერთი თვეა რაც დახლზე დევს, ის მხოლოდ ქუთაისში იყიდება. ერთი ლიტრის ფასი 28 ლარია. პირველ ეტაპზე სულ 500 ბოთლი ჩამოასხეს, შექმნიდან ამ დრომდე კი მომხმარებელმა 50 ბოთლი დააგემოვნა.

ღვინის მწარმოებელი გვიმხელს, რომ ცისფერყანწელთა შემოქმედების ევროპასთან სინთეზის მცდელობის მსგავსად, მათი სახელობის ღვინის გზაც ევროპისკენ მიდის. ამიტომ ქრისტინე ვენახების გაფართოებასაც გეგმავს და ფიქრობს, რომ ეს გზა აუცილებლად გაამართლებს.
| Print |  E-mail
FaceBook Twitter Google
დღის სიახლეები
ქუთაისის რამაზ შენგელიას სახელობის სტადიონზე "ტორპედოს" ფეხბურთელის, შოთა ბაბუნაშვილის გაცილების მატჩი მიმდინარეობს.
19:16 / 19-10-2018
ახალი თაობა გაცილებით თავისუფალია- ვისაც ამ თავისუფლების სიკეთის არ სჯერა შეუძლია 16 წლის მუსიკოსის ლექსო რატიანის მუსიკას მოუსმინოს და საკუთარ ეჭვებში, დიდი ალბათობით, კორექტივების შეტანა მოუნდება.
22:00 / 18-10-2018
თბილისიდან გატაცებული ბიზნესმენის, ამირან დეკანოიძის შვილის მოსაძებნად სპეცოპერაცია წყალტუბოს სოფელ მაღლაკში ჩატარდა.
21:05 / 18-10-2018
,,ა(ა)იპ მადლიერების სახლის დირექოტირი თამთა ბაკურაძე თანხების შესაძლო უკანონო ხარჯვის გამო საქმის აღძვირს თაობაზე განცხადებას ავრცელებს:
15:07 / 15-10-2018
მსგავსი სიახლეები






ქუთაისიპოსტი გთავაზობთ რუბრიკას „ბლიც
Post
ქუთაისიპოსტი გთავაზობთ რუბრიკას „ბლიც Post". რუბრიკის მიზანია სხვადასხვა პროფესიის ადამიანები სხვა კუთხით გავიცნოთ.
16:33 / 20.10.2018






92 წლის ქუთაისელი არქიტექტორის, გივი თოდაძის სახელოსნო ათეულობით
პროექტს ინახავს.
92 წლის ქუთაისელი არქიტექტორის, გივი თოდაძის სახელოსნო ათეულობით პროექტს ინახავს.
16:26 / 20.10.2018






როგორია საარჩევნო განწყობა წყალტუბოში და რა მოლოდინები და
მოთხოვნები აქვს მოსახლეობას პრეზიდენტობის კანდიდატებისგან?
როგორია საარჩევნო განწყობა წყალტუბოში და რა მოლოდინები და მოთხოვნები აქვს მოსახლეობას პრეზიდენტობის კანდიდატებისგან?
15:53 / 18.10.2018






ქუთაისის დავით კაკაბაძის სახელობის სახვითი ხელოვნების სახელმწიფო
გალერეაში ნიკო ფიროსმანის სამი შედევრი ინახება.
ქუთაისის დავით კაკაბაძის სახელობის სახვითი ხელოვნების სახელმწიფო გალერეაში ნიკო ფიროსმანის სამი შედევრი ინახება.
10:09 / 17.10.2018






როგორია საარჩევნო განწყობა ტყიბულში და რა მოლოდინები და
მოთხოვნები აქვს მოსახლეობას პრეზიდენტობის კანდიდატებისგან?
როგორია საარჩევნო განწყობა ტყიბულში და რა მოლოდინები და მოთხოვნები აქვს მოსახლეობას პრეზიდენტობის კანდიდატებისგან?
12:33 / 16.10.2018
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.

ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.