კვირის თემა
პროფესიას, რომელიც დიდ გაბედულებას მოითხოვს, ქუთაისში ბევრი წარმომადგენელი ჰყავს. 
სრულად
18:37 / 07.12.2018
მათ ჭრელი თავსახვევით და დიდი ჩანთებით იცნობთ.
სრულად
00:39 / 01.12.2018

ვალუტა
EUR
EUR
1
3.2172
GBP
GBP
1
3.6599
RUB
RUB
100
4.6518
USD
USD
1
2.7193
საზოგადოება
"დაპირისპირება" მმართველ გუნდში - ქუთაისში მაჟორიტარი დეპუტატი ტერიტორიული ორგანოს შენობაში არ შედის
ქუთაისში, ავტოქარხნის მაჟორიტარი დეპუტატი მერაბ კვიცარიძე მოქალაქეებს, მისთვის განკუთვნილი ტერიტორიული ერთულის შენობის ნაცვლად, ქუთაისის სამედიცინო სასწავლებელში ხვდება.

დეპუტატმა ეს გადაწყვეტილება პროტესტის ნიშნად მიიღო.

ქუთაისიპოსტის ინფორმაციით, კვიცარიძის განაწყენება, რომელიც საკრებულოში 2107 წელს  „ქართული ოცნების“ კვოტით მოხვდა, ამომრჩევლებთან შეხვედრების გამო ადგილობრივ სამთავრობო გუნდში მომხდარ "დაპირისპირებას" უკავშირდება.

კერძოდ, ქუთაისიპოსტის წყაროს ინფორმაციით, მერაბ კვიცარიძე აღმასრულებელი ორგანოს წარმომადგენლებს მას შემდეგ გაუნაწყენდა, რაც მას ავტოქარხნის ადმინისტრაციული ერთეულის თანამშრომლები მოქალაქეებთან შესახვედრად არ გაყვნენ: "მაჟორიტარი დეპუტატი მივიდა მუნიციპალიტეტში და რამდენიმე თანამშრომელს სთხოვა გაყოლა. თუმცა, იქ უთხრეს, რომ მერის მოადგილესთან შეთანხმების გარეშე “რამდენი ვინცხა” (სტილი დაცულია) მივიდოდა, თანამშრომლებს ვერ გააყოლებდნენ. სწორედ ამას მოჰყვა მერაბ კვიცარიძის გაბრაზება. საქმე იქამდე მივიდა, რომ მერიაში
ამ თემაზე შეიკრიბნენ მერის მოადგილეები, ავტოქარხნის მუნიციპალიტეტის წარმომადგენლები და მაჟორიტარი დეპუტატები.

შეხვედრაზე პირველ საკითხად დაისვა ის, რომ მაჟორიტარ დეპუტატებს მერის მოადგილე გიორგი იობაშვილთან უნდა შეეთანხმებინათ როგორც მოქალაქეებთან გასვლის საკითხი, ასევე, ვის და რამდენ თანამშრომელს წაიყვანდნენ შესაბამისი მუნიციპალიტეტიდან.

მეორე საკითხ
სიტყვა "ვინცხას" ეხებოდა, რომელიც მერაბ კვიცარიძის მისამართით ითქვა მუნიციპალიტეტში, მაგრამ "დიდ" შეკრებაზე ეს არავინ დაადასტურა. გამოდის, კვიცარიძეს მხარი არავინ დაუჭირა“.

განაწყენებული დეპუტატი სიტუაციის გარკვევამდე საკრებულოში თავის აბრის ჩამოხსნით და მერიის შენობაში შეუსვლელობით დაიმუქრა.

„მერაბ კვიცარიძე გაბრაზდა და თქვა, რომ თავის აბრას, რომელიც მერიის შენობაში მის ოთახზეა, ჩამოხნიდა, ავტოქარხანაში წაიღებდა და იმ შენობაში არ მივიდოდა. ერთი პერიოდი საკრებულოს სხდომებზეც არ დადიოდა“, - ამბობს წყარო.

საკრებულოს აპარატიდან მიღებული ინფორმაციის მიხედვით, ავტოქარხნის მაჟორიტარ დეპუტატს სხდომაზე დასწრების კუთხით ორი გაცდენა აქვს დაფიქსირებული.
ქუთაისიპოსტის ინფორმაციით, ერთ-ერთი გაცდენა სწორედ მმართველ გუნდში დაპირისპირებას უკავშირდება. (25 აპრილი, რიგით მეშვიდე სხდომა).

ქუთაისიპოსტმა, ის აუდიოჩანაწერიც მოიპვა, სადაც მერაბ კვიცარიძე ამბობს, რომ მერის მოადგილემ გიორგი იობაშვილმა დაურეკა და უთხრა, მასთან შეეთანხმებინა მოქალაქეებთან გასვლის დრო.



დღესდრეობით ავტოქარხნის მაჟორიტარი დეპუტატი ამომრჩევლებთან ყოველკვირეულ შეხვედრებს , ტერიტორიული ორგანოს შენობასთან ახლოს, კიევის ქუჩა #10-ში ატარებს. სამედიცინო სასწავლებლის ორსართულიან კორპუსში მაჟორიტარს ერთი ოთახი აქვს დათმობილი.


კიევის ქუჩა #10-ში მდებარე  ქუთაისის სამედიცინო სასწავლებელი, სადაც მერაბ კვიცარიძე მოქალქეებს ხვდება

ადგილზე განმარტავენ, რომ მერაბ კვიცარიძეს მოქალაქეების მიღების დღე ყოველ სამშაბათს, 15 :00 საათზე აქვს. თუმცა, შენობის გარეთ არაფერი მიანიშნებს, რომ დეპუტატი მოქალაქეებს იქ ხვდება.

ისევე, როგორც არანაირი მინიშნება არ არის ავტოქარხნის ტერიტორიული ერთეულის შენობაში, რომ მაჟორიტარი მოსახლებას სხვაგან იღებს. ადგილზე განმარტავენ, რომ დეპუტატი თავდაპირველად მოქალაქეებს იქ ხვდებოდა. დღესდღეობით კი მერაბ კვიცარიძისთვის შენობაში განკუთვნილი ადგილი მუნიციპალიტეტის თანამშრომლებს აქვთ ათვისებული.


ავტოქარხნის ადმინისტრაციული ერთულის შენობა

„მართალია, დიდი მანძილი არ არის მუნიციპალიტეტსა და ქუთაისის სამედიცინო სასწავლებელს შორის, სადაც მაჟორიტარი იღებს მოქალქეებს, მაგრამ დისკომპორტი იქმნება. ადრე ვინც კი ყოფილა ჩვენთან მაჟორიტარი, სულ აქ ატარებდა შეხვედრებს“, - ამბობენ მოქალაქეები.

ქუთაისის საკრებულოში სულ ათი მაჟორიტარი დეპუტატია. ისინი მოქალაქეებს შესაბამის მუნიციპალიტეტებში ხვდებიან.

ავტოქარხნის მაჟორიტარი დეპუტატი მერაბ კვიცარიძე ოფიციალურ საუბარში აუდიოჩანაწერისგან განსხვავებულ პოზიციას აფიქსირებს. ის ირწმუნება, რომ ტერიტორიული ორგანოდან სამედიცინო სასწავლებლის შენობაში გადასვლის მიზეზი დაპირისპირება არ არის. მისი თქმით, სასწავლებელში ლექციებს ატარებს და შესაბამისად, მოქალაქეებსაც იქ იღებს.

"არავისთან დაპირისპირება არ მქონია და არ მაქვს, მე ვაკეთებ საქმეს, რასაც ხალხთან ურთიერთობა ქვია. ჩემი მოვალოება, როგორც მაჟორიტარის, გახლავთ, რომ კომუნიკაცია მქონდეს ჩემს მოსახლეობასთან. თქვენ რაც გნებავთ მაინცდამაინც იმის თქმას ნამდვილად არ ვაპირებ. მე ვიყავი "ქართული ოცნების" მაჟორიტარობის კანდიდატი, მაგრამ თქვენს და ბევრი სხვას გასაკვირად ვარ ყველას მაჟორიტარი. ეს "ნაციონალი" იქნება, „ქართული ოცნება“ თუ „ლეობორისტი“. ამიტომ, მე კომუნიკაცია მაქვს ყველასთან. მე ვარ არჩეული დეპუტატი და დროის ნებისმიერ მონაკვეთში შემიძლია ამომრჩეველთან მივიდე", - ირწმუნება ავტოქარხნის ოლქის მაჟორიტარი დეპუტატი მერაბ კვიცარიძე.

ქუთაისიპოსტი მერის მოადგილესთან გიორგი იობაშვილთან დაკავშირებასაც შეეცადა, თუმცა, ის ამ დროისთვის ქალაქში არ იმყოფება.

მერიაში ირწმუნებიან, რომ მერის მოადგილეს არცერთ მაჟორიტარ დეპუტატთან არ ქონია საუბარი იმაზე, რომ მასთან შეთანხმებულიყო მოქალაქეებთან შეხვედრების დეტალები.
„აღნიშნული ინფორმაცია სიმართლეს არ შეესაბამება. ასეთი რამ არასოდეს მომხდარა“, - ირწმუნებიან მერიაში.

| Print |  E-mail
FaceBook Twitter Google
დღის სიახლეები
რა მოლოდინები აქვთ ახალგაზრდებს, როგორია მათი თვალით დანახული საახალწლოდ მორთული ქუთაისი.
17:47 / 11-12-2018
ბაღდათში, სოფელი როხში საცხოვრებელი სახლი დაიწვა.
00:26 / 11-12-2018
გარემოს ეროვნული სააგენტოს ინფორმაციით, დასავლეთ საქართველოში მთელი კვირის განმავლობაში წვიმიანი ამინდია მოსალოდნელი.
10:24 / 10-12-2018
ქუთაისი–წყალტუბო–ცაგერი–ლენტეხი–ლასდილის გზაზე კლდის მასა ჩამოიშალა. 
10:11 / 10-12-2018
მსგავსი სიახლეები






დეკემბრის პირველი კვირა მთელ მსოფლიოში შიდსთან ბრძოლასა და ამ
დაავადებით გარდაცვლილთა ხსოვნას ეძღვნება.
დეკემბრის პირველი კვირა მთელ მსოფლიოში შიდსთან ბრძოლასა და ამ დაავადებით გარდაცვლილთა ხსოვნას ეძღვნება.
18:27 / 04.12.2018






2019 წელს დასრულდება ქუთაისის ტექნოლოგიური უნივერსიტეტი,
ამიერკავკასიაში ყველაზე დიდი, ყველაზე მაღალბიუჯეტიანი და 60 000
სტუდენტზე გათვლილი,
2019 წელს დასრულდება ქუთაისის ტექნოლოგიური უნივერსიტეტი, ამიერკავკასიაში ყველაზე დიდი, ყველაზე მაღალბიუჯეტიანი და 60 000 სტუდენტზე გათვლილი,
12:42 / 02.12.2018






მას მთელი ნიუ-იორკი მხოლოდ სახელით იცნობდა -
გოგი!
მას მთელი ნიუ-იორკი მხოლოდ სახელით იცნობდა - გოგი!
10:15 / 20.11.2018






ქუთაისში
ქუთაისში "ოცნებას" "ოცნების ქალაქი" უნდა აეშენებინა.
11:20 / 18.11.2018






ევროკავშირის მიმართ არსებულ მითოლოგიაში
ევროკავშირის მიმართ არსებულ მითოლოგიაში "წამყვან"  პოზიციას იკავებს მითი ერთნაირსქესიანი წყვილების ქორწინების თაობაზე.
13:10 / 17.11.2018
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.

ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.