საზოგადოება
ცენზურის დაწესების მცდელობაა - ქუთაისელი ხელოვანები ბესელია-გოგიჩაიშვილის კანონპროექტზე
ცენზურის დაწესების მცდელობაა, - აცხადებენ ქუთაისელი ხელოვანები იმ კანონპროექტზე, რომელიც საპარლამენტო უმრავლესობის წევრებმა ეკა ბესელიამ და ლევან გოგაჩაიშვილმა შეიმუშავეს.

ამ დოკუმენტის თანახმად, სასამართლოს, შესაძლოა, მიანიჭონ უფლება, რომ განიხილოს შემოქმედებითი ნაწარმოების გავრცელების აკრძალვასთან დაკავშირებული საქმეები, თუ ნაწარმოების გავრცელება ლახავს სხვათა უფლებებს.

„რაც უნდა უარყონ, ამ კანონპროექტის მიზანი არის დაწესდეს ცენზურა ხელოვნების ნაწარმოებებზე“, -  ამბობს მხატვარი ლია უკლება.

ხელოვანების აზრით, ამ კანონით და აკრძალვით პრაქტიკულად ყველა კლასიკურ და ბევრი სახლოვანი თანამედროვე შემოქმედის ნაწარმოებს შეიძლება დაედოს ტაბუ. რადგან ყველა მათგანში შესაძლებელია მოიძებნოს რაიმე სხვისი უფლებების „შემლახველი“ მომენტი.

„ერთი წამით წარმოვიდგინოთ, რომ ეს კანონი ოდესღაც ვინმე ჭკვიანს მსოფლოს სხვა კანონებთან ერთად მიეღო, რამდენი კარგი წიგნი და ავტორი გაქრებოდა, რამდენი ფილმი, ნახატი, ნახატი კი არა, ეპოქები და მიმდინარეობები. არც ისე შორეულ წარსულში სალვა ან-ნუაიმის  "თაფლის სამხილი" (გიორგი ლობჟანიძის შესანიშნავი თარგმანი ) დაიბეჭდა, ნეტავ ეს "კანონი" რომ უკვე ყოფილიყო, რამდენ ვინმეს შეურაცხყოფდა ეს წიგნი და ავტორი? ეროტიკულობა არ არის კარგი წიგნის, ნახატის, ფოტოს, ფილმის აუცილებელი და ერთადერთი წინაპირობა, მაგრამ აბა გავცხრილოთ მსოფლიო ხელოვნება ამ პრინციპით, საინტერესოა, რა დაგვრჩება?!“, - ამბობს მხატვარი ქრისტინე რობაქიძე.

მისი აზრით, გარკვეული სახის აკრძალვებს უკვე აქვს ადგილი საქართველოში. იგი კონკრეტულ შემთხვევასაც იხსენებს 

„მიმდინარე წლების და მოვლენების ფონზე, არ ვიცი, რატომ გამიკვირდა, როდესაც ამ კანონის შესახებ წავიკითხე. რამდენიმე წლის წინ ერთ-ერთ გამოფენაზე ჩემი ნამუშევარი არ გამოფინეს, მეუფეს ველოდებით სტუმრად და უხერხულიაო ( ქალს მკერდი უჩანდა), ნეტავ პაპი, ან სხვა სასულიერო პირები როცა ცნობილ მუზეუმებს და გალერეებს სტუმრობენ, თავს შეურაცხყოფილად გრძნობენ მაგალითად, რუბენსის რომელიმე ქალთან, ან დავითის ქანდაკებასთან? „დეკამერონი“ რომ არა, რას წააკითხებდა ნეტა გაბრიაძე ჩიტ ბორიას? ხომ დავიღუპებოდით ყველა მოწყენილობით“, - ამბობს ქრისტინე რობაქიძე

თუმცა, ცენზურა, რომც დააწესოს სახელმწიფომ, მხატვრების აზრით, ეს მათ შემოქმედებაში და დამოკიდებულებაში ხელოვნების მიმართ არაფერს შეცვლის. 

„ეს შემოქმედებით პროცესს არათუ ხელს შეუშლის, კიდევ უფრო საინტერესოს გახდის ჩემი აზრით“, - ამბობს ლია უკლება. 

„ჩვენი არსებობა პარადოქსებით არის სავსე. ერთ-ერთი პარადოქსი კი ის არის, რომ კულტურას სწორედ ცენზურა (ფასდება) აცოცხლებს. ცენზურაში არ ვგულისხმობ სახელმწიფო ინსტრუმენტს, რომელიც არის "მოკარნახე" იმისა, თუ რა უნდა დაიწეროს. კრიტიკაც ერთგვარი ცენზურაა, რომლის გარეშეც კულტურა კვდება, ამიტომ შემოქმედებით სივრცეში, სადაც კრიტიკის კულტურა არ არსებობს, არ უნდა გვიკვირდეს, რომ ამ როლის შესრულებას, ადრე თუ გვიან, პოლიცია შეუდგება“, - ამბობს ფილოსფოსი ტარიელ დათიაშვილი.

შემოქმედებითი პროცესის შეჩერება პრაქტიკულად შეუძლებელია, ხელისფლების მცდელობა ამ კუთხით ხელოვანის რაიმე სახით სტერილიზება მოახდინონ იმთავითვე დამარცხებული მცდელობაა, აღნიშნავენ არტისტები.

სასამართლოს, შესაძლოა, მიანიჭონ უფლება, რომ განიხილოს შემოქმედებითი ნაწარმოების გავრცელების აკრძალვასთან დაკავშირებული საქმეები, თუ ნაწარმოების გავრცელება ლახავს სხვათა უფლებებს – ამის შესახებ უმრავლესობის დეპუტატების, ეკა ბესელიასა და ლევან გოგიჩაიშვილის მიერ წარდგენილი კანონპროექტში არის საუბარი.

კანონპროექტით, კულტურის შესახებ საქართველოს კანონში რჩება დღეისათვის ისედაც მოქმედი ჩანაწერი, რომ აიკრძალება შემოქმედებითი ნაწარმოები, რომელიც აღვივებს ეროვნულ, ეთნიკურ, რელიგიურ და რასობრივ შუღლს, ქადაგებს ომსა და ძალადობას, პროპაგანდას უწევს პორნოგრაფიას და ა.შ.
| Print |  E-mail
FaceBook Twitter Google
სხვა სიახლეები
დღის სიახლეები
მაშველებმა მცხეთაში ძაღლის ლეკვი გადაარჩინეს.
13:42 / 19-08-2018
უძველეს ეგვიპტურ აკლდამაში 3200 წლის ყველის ნარჩენები აღმოაჩინეს.
18:57 / 18-08-2018
ვანის მუნიციპალიტეტში შიდასახელმწიფოებრივი მნიშვნელობის, ვანი-სულორის დამაკავშირებელი გზის აღდგენა დაიწყო.
16:03 / 18-08-2018
"არსებობს იმის ალბათობა, რომ ხომალდის დაკარგვა მეკობრეობასთან იყოს დაკავშირებული," - ამის შესახებ საგარეო საქმეთა სამინისტროს საკონსულო დეპარტამენტის დირექტორის მოადგილემ, ვლადიმერ კონსტანტინიდმა  განაცხადა.
14:04 / 18-08-2018
მსგავსი სიახლეები






სტატისტიკა ყოველთვის ცივი და მშრალი ფორმით გველაპარაკება. თუმცა
მისი მშრალი ციფრები არსებული ან მოახლოებული დრამების, სიკეთეების,
რევოლუციებისა და კრიზისების მაუწყებელი შეიძლება იყოს.
სტატისტიკა ყოველთვის ცივი და მშრალი ფორმით გველაპარაკება. თუმცა მისი მშრალი ციფრები არსებული ან მოახლოებული დრამების, სიკეთეების, რევოლუციებისა და კრიზისების მაუწყებელი შეიძლება იყოს.
16:10 / 15.08.2018






ორი პირადი მრჩეველი და 21 კაციანი სამოქალაქო მრჩეველთა
საბჭო - ასე გამოიყურება ქუთაისის მერის გიორგი ჭიღვარიასთვის
იდეებისა და და რეკომენდაციების მიმწოდებელთა წრე, რომელთაც მისი
მუშაობის მიმართულებები უნდა გასაზღვრონ.
ორი პირადი მრჩეველი და 21 კაციანი სამოქალაქო მრჩეველთა საბჭო - ასე გამოიყურება ქუთაისის მერის გიორგი ჭიღვარიასთვის იდეებისა და და რეკომენდაციების მიმწოდებელთა წრე, რომელთაც მისი მუშაობის მიმართულებები უნდა გასაზღვრონ.
16:40 / 07.08.2018






მომავალი წლიდან ქუთაისში საქალაქო ტრანსპორტი, რომელიც ამ დრომდე
კერძო ბიზნესის ხელშია, შესაძლოა, მუნიციპალურად გადაკეთდეს.
მომავალი წლიდან ქუთაისში საქალაქო ტრანსპორტი, რომელიც ამ დრომდე კერძო ბიზნესის ხელშია, შესაძლოა, მუნიციპალურად გადაკეთდეს.
14:32 / 06.08.2018






ოჩამჩირე მშობლებთან და პატარა ძმასთან ერთად დატოვა.
ოჩამჩირე მშობლებთან და პატარა ძმასთან ერთად დატოვა.
13:04 / 03.08.2018






ქუთაისიპოსტი გთავაზობთ რუბრიკას
ქუთაისიპოსტი გთავაზობთ რუბრიკას "ბლიც Post"-ს. რუბრიკის მიზანია სხვადასხვა პროფესიის ადამიანები სხვა კუთხით გავიცნოთ.
16:38 / 29.07.2018
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.

ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.