კულტურა
იქ, სადაც ჩვენი დროა
მესხიშვილის თეატრმა მაყურებელს პრემიერა შესთავაზა - კახა გოგიძის სპექტაკლი "იქ, სადაც ჩემი სახლია" (ლალი კეკელიძის პიესის მიხედვით).

პრემიერამდე შემოქმედებითმა ჯგუფმა თეატრის წინ პრომოაქცია გამართა. თეატრის შესასვლელთან სტენსილი გააკეთეს წარწერით - იქ, სადაც ჩემი სახლია. წარწერა ისრით სრულდება, რომლის წვერი თეატრისკენაა მიმართული. ამ გზავნილს ორმაგი გაგება აქვს: წარწერა კონკრეტულ სპექტაკლზეც მიანიშნებს და თეატრზეც, რომელიც ჩვენი სახლია.

თუმცა, რამდენად ვგრძნობთ თავს თეატრში, როგორც სახლში, სხვა საქმეა.

რა აქცევს მშობლიურად თეატრს? როგორც აღმოჩნდა, იმდენად არა გეოგრაფია, ან რეჟისორისა და დრამატურგის ეროვნება, ან სქესი, ან ავტორების მემარჯვენე და მემარცხენე ორიენტაცია, ან იდეოლოგია. მაყურებილისთვის ყველაზე მშობლიური შეიძლება მხოლოდ დრო გახდეს. პუბლიკას თეატრში მისი დრო უნდა დახვდეს - თანამედროვეობა. როგორც ფორმით, ისე შესაბამისი ენით მოწოდებული მისი ეპოქა.

როგორც ერთი ბრძენი ირწმუნება: შვილები მშობლებზე მეტად დროს ემსგავსებიან და ბოლომდე დროის შვილებად რჩებიან. დრო ხდება ადამიანის რეალური მშობელი. მიუხედავად იმისა, რომ შეიძლება მისი ეპოქა იყოს მკაცრი, მძიმე, პრობლემებით სავსე, მაგრამ ეს პრობლემებიც, ეს სიახლეებიც და კატაკლიზმებიც მისთვის "მშობლიურია".

სწორედ ეს გარემო, ეს ენა და ეს ურთიერთობა დაახვედრეს მაყურებელს სპექტაკლზე "იქ სადაც ჩემი სახლია".

სპექტაკლში მოქმედება ერთ ოჯახში ხდება და ერთ ოთახს არ სცდება, "ხრუშოვკაში" დედა, ბაბუა და ხუთი შვილი ცხოვრობს. ისინი ყოფით პრობლემებს როგორც შეუძლიათ ისე უმკლავდებიან. ავტორები ამბავს იუმორით ყვებიან. ეხებიან ბევრ სტერეოტიპს, ბევრ "სიწმინდეს" და ყველაფერზე ხუმრობა შეუძლიათ. თანამედროვეობასთან პირველი ხარისხის კონტაქტი სწორედ ამით იწყება.

ირონია ჩვენი დროის ენაა. იგი გასაგებია ყველა თაობის მაყურებლისთვის. უფრო მეტიც, მისი არსებობა გარკვეულწილად ფარავს და ასატანს ხდის სპექტაკლში არსებულ რიგ ხარვეზებს - გაუმართავ ხასიათებს, დაუმუშავებელ მიზანსცენებს.

ირონია ფარავს ყოფითი სპექტაკლისთვის ხელოვნურ ინტონაციებს - ერთგვარ პათეტიკას იუმორში.

სპექტაკლის გმირები ყოფით ცხოვრებაშიც მოთამაშე პერსონაჟები არიან. ავტორებს ეს თამაში იმდენად იტაცებთ, რომ დრამატურგიულად საჭირო მიზანსცენებს და სვლებს კონკრეტულ შემთხვევაში არაარსებითი სანახაობით ცვლიან.

თუმცა, ესეც ახალი დროის ნაკლია - ჩვენს დროში პურს ყოველთვის ჭარბობს სანახაობა.

და რაც მთავარია, სპექტაკლს თანამედროვედ აქცევს "რელიგია". სპექტაკლის მეორე ნახევარში ჩვენი დროის მთავარი კულტი - ფული ჩნდება სცენაზე. უმცროსი და დიდძალ ფულს იპოვის, რაც თავდაყირა დააყენებს ოჯახის წევრების ურთიერთობას. ფული გადაწონის ყველა სხვა ღირებულებას, ეჭვქვეშ დააყენებს დედა-შვილობას, სიყვარულს, ძმობას, დობას, მეგობრობას. "ფულის რელიგია" ყველა ამ მსხვერპლს მოითხოვს. ჩნდება იმის საშიშროება, რომ ოჯახი დაიშალოს.
ჩნდება იმის საშიშროებაც ბანალური ფინალი მივიღოთ, ათასგზით თქმული და გადაღეჭილი. ის, რომ ფული ყველაფერს კლავს.

მაგრამ აქ ისევ შემოდის ირონია და თამაში. სპექტაკლის ერთ-ერთი ყველაზე საინტერესო პერსონაჟი ბაბუა (სულხან გოგოლაშვილი), ფულს გაანადგურებს.
ფულის რელიგიას, რომელსაც მორჩილება გამოუცხადა ოჯახის ყველა წევრმა, არ ცნობს ბაბუა. იგი ალცჰეიმერითაა დაავადებული, ამიტომ მას არ ახსოვს და მასზე არ მოქმედებს არც ერთი რელიგია და კულტი. თუმცა მშვენივრად ახსოვს და იცის როგორ იხუმროს. იცის რომ იუმორი მკურნალია და იგი ყველაფერს შველის, მათ შორის დაშლილ ოჯახებს, ბანალურ სუჟეტებს და საშუალო სპექტაკლებს. იუმორი, ახალი დროის პანაცეა, ყველას აბრუნებს იქ სადაც მათი სახლია.


| Print |  E-mail
FaceBook Twitter Google
დღის სიახლეები
იმერეთის რეგიონის ოთხი საჯარო სკოლა 2018 წელს სასკოლო მსოფლიო ჩემპიონატზე მიიღებს მონაწილეობას.
13:36 / 21-02-2018
ზესტაფონის მერიის ერთ-ერთი სამსახურის უფროსი 1000 ლარით დააჯარიმეს.
12:00 / 21-02-2018
ქუთაისში, კინოთეატრ "საქართველოში" ნიკოლოზ ხომასურიძის ფილმის "ექვთიმე ღვთისკაცის" პრემიერა მოეწყობა.
11:17 / 21-02-2018
აკაკი წერეთლის სახელმწიფო უნივერსიტეტში, შვეიცარიის ბირთვული კვლევების ევროპული ორგანიზაცია, CERN-ის მიერ ორგანიზებული საერთაშორისო მასტერკლასი ჩატარდა.
11:01 / 21-02-2018
მსგავსი სიახლეები






ფილმი
ფილმი "შერეკილები" ყველაზე პოპულარულ ქართული ფილმების რეიტინგში დიდი ალბათობით პირველ ადგილზე თუ არა, პირველ სამეულში ნამდვილად მოხვდება.
14:10 / 21.02.2018






ქუთაისის მესხიშვილის თეატრი ბოსნია-ჰერცოგოვინაში გამართულ
საერთაშორისო თეატრალურ ფესტივალში მონაწილეობის მისაღებად
მიემგზავრება.
ქუთაისის მესხიშვილის თეატრი ბოსნია-ჰერცოგოვინაში გამართულ საერთაშორისო თეატრალურ ფესტივალში მონაწილეობის მისაღებად მიემგზავრება.
10:19 / 21.02.2018






ქუთაისში მ. ბალანჩივაძის სახელობის ახალგაზრდა მუსიკოს-შემსრულებელთა
II ეროვნული კონკურსი მიმდინარეობს
ქუთაისში მ. ბალანჩივაძის სახელობის ახალგაზრდა მუსიკოს-შემსრულებელთა II ეროვნული კონკურსი მიმდინარეობს
14:44 / 19.02.2018






ქართულ კინოში სიყვარულისთვის ყოველთვის არ სცალიათ.
ქართულ კინოში სიყვარულისთვის ყოველთვის არ სცალიათ.
10:38 / 15.02.2018






ქუთაისში ოპერის თეატრი 49 წლის წინ დაარსდა.
ქუთაისში ოპერის თეატრი 49 წლის წინ დაარსდა.
11:01 / 14.02.2018
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.

ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.