ახალი ამბები
არასწორი დიეტა ბევრი დაავადების რისკ-ფაქტორია (ვიდეო)
დიეტაზე ფიქრი აქტუალური გაზაფხულზე ხდება.

გოგონები, სხეულის სასურველი პარამეტრების გამო ხშირად მკაცრ დიეტას მიმართავენ, რაც ზოგჯერ სავალალო შედეგის მომტანია.

ასე აღმოჩნდა ქუთაისში მცხოვრები 23 წლის ნათია შონიასთვის. მან დიეტაზე ფიქრი 16 წლის ასაკიდან დაიწყო. მისი თქმით, გახდომა იმისთვის უნდა, რომ ფორმაში იყოს.

"არის რაღაც პერიოდი, როცა ვფიქრობ, რამდენიმე კილო მოვიმატე, რაც არ მიხდება და უნდა დავიკლო, ამიტომ სწრაფად ვიწყებ საჭმლის შეზღუდვას, ვჭამ ცოტას. ხშირად კი ისეთ საკვებსაც, რომელიც არ მიყვარს", -  ამბობს ნათია შონია.

ერთ დღეს კი შეამჩნია, რომ მიღწეული სიგამხდრე აწუხებდა და ვერც წონაში იმატებდა, რაც უკვე მისთვის დისკომფორტული გახდა.

"არასწორი დიეტები ჩემთვის ზედმეტად ზიანის მომტანი გახდა. ერთი პერიოდი არც ჭამა მინდოდა და უკვე მაწუხებდა სიგამხდრე, ვერც ვიმატებდი. ეს იმიტომ მოხდა, ჩემი აზრით, რომ ძალიან დავაზიანე საჭმლის მომნელებელი სისტემა. ჩემს ნორმალური წონაზე 5 კილოთი ნაკლები ვიყავი. ყველა აღნიშნავდა, რომ ძალიან შემაშფოთებლად გამოვიყურებოდი. ორ უკიდურესობაში აღმოვჩნდი. ვერ იკლებ, მერე გინდა მოიმატო  და ვერ იმატებ. საბოლოოდ, გადასხმების დახმარებით მაინც შევძელი მეშველა საკუთარი თავისთვის", - გვიყვება ნათია.

ბიჭები აღნიშნავენ, რომ დიეტას იშვიათად იცავენ. თუმცა მათი ნაწილი ამბობს, რომ საჭმლის შემცირებას შედეგი არ მოაქვს და მათი უმეტესობა დიეტას ვარჯიშით იცავს.

ქუთაისიპოსტის მიერ გამოკითხული 10 ადამიანიდან 6 ამბობს, რომ სასურველი წონის მისაღწევად მკაცრ დიეტებს იცავენ. დანარჩენები კი ამბობენ, რომ ცხოვრების ჯანსაღ წესს მისდევენ და მკაცრი დიეტის დაცვა არ სჭირდებათ.

რამდენად იცავენ ქუთაისში ახალგაზრდები დიეტას? ნახეთ ვიდეოგამოკითხვა:



წმ. ნიკოლოზის სახელობის ქირურგიული და ონკოლოგიური ცენტრის ენდოკრინოლოგის, პეტრე ლომინაძის თქმით, სიმსუქნე ქრონიკული დაავადებაა, რომელიც ხშირი რეციდივებით გამოირჩევა (ავადმყოფობის შებრუნება) და მკურნალობა-დაკვირვებას მთელი სიცოცხლის მანძილზე საჭიროებს. მისი განვითარება და პროგრესირება კი გადაჭარბებული კვებით, ნაკლები ფიზიკური დატვირთვების ფონზე ხდება. 

"სიმსუქნე შესაძლოა იყოს როგორც დამოუკიდებელი დაავადება, ასევე სინდრომი სხვადასხვა დაავადებების დროს. ამ შემთხვევაში, პირველ რიგში საჭიროა ძირითადი დაავადების კომპენსაცია", - ამბობს ენდოკრინოლოგი პეტრე ლომინაძე.

ის ასევე გვირჩევს, რომ დასუსტებისათვის საჭიროა ნაკლები საკვების მიღება, თუმცა, არა მკაცრი დიეტა.

"ერთი მხრივ, ეს ხომ ისედაც გასაგებია, მაგრამ უმრავლესობა ამ პრობლემას ასახავს სხვაგვარად: რა საკვები მივიღოთ რომ წონაში დავიკლოთ? უნდა ითქვას, რომ სპეციფიკური პროდუქტები გახდომისთვის არ არსებობს. დღევანდელ დღეს მედიკამენტოზური პრეპარატები, რომლებსაც თავისით, დიეტის გარეშე, შეეძლოს წონის კორექცია, არ არსებობს.

ერთადერთი მართებული, სანდო გზა არის ფიზიკური დატვირთვის მომატება გააზრებულად, ადექვატური , ბალანსირებული დიეტოთერაპიის ფონზე. შედეგად ვითარდება ენერგიის დეფიციტი, რის გამოც რეზერვები 'შენახული" ცხიმოვან ქსოვილში, აუცილებლად დაიხარჯება", - განმარტავს პეტრე ლომინაძე.

ექიმი აგრეთვე გვაფრთხილებს, რომ სიმსუქნე მრავალი დაავადების განვითარების რისკ-ფაქტორია.

მისივე თქმით, უნდა აღინიშნოს ჰორმონების დისბალანსის უმნიშვნელოვანესი როლი სიმსუქნის განვითარებაში. მაგალითად, ბოლო წლების კვლევებით გამოვლინდა, რომ ტესტოსტერონის ასაკობრივი შემცირება წინ უსწრებს და ხელს უწყობს ვისცერული სიმსუქნის განვითარებას როგორც მამაკაცებში, აგრეთვე ქალებშიც. ის ვარჯიშისა და კვების  ურთიერთკავშირი აუცილებლობაზე საუბრობს, რათა მოხდეს შესაბამისი ჰორმონების ბალანსის შენარჩუნება.

| Print |  E-mail
FaceBook Twitter Google
სხვა სიახლეები
დღის სიახლეები
გაერთიანებული ოპოზიცია,  ქუთაისში, მუზეუმის ყოფილი შენობის მიმდებარე ტერიტორიის,  ეკონომიკის სამინისტროსთვის გადაცემას აპროტესტებს.
11:25 / 18-09-2018
ქუთაისის ისტორიული მუზეუმის ფონდებში რამდენიმე ათეული ხალიჩა -ფარდაგი ინახება.
14:22 / 16-09-2018
წყალტუბოს მუნიციპალიტეტის სოფელ გუბისწყალში კონფლიქტის დროს 65 წლის ქალბატონი გარდაიცვალა.
14:14 / 16-09-2018
16 სექტემბერს ქუთაისის I საერთაშორისო ფესტივალი იწყება.
13:12 / 16-09-2018
მსგავსი სიახლეები






ქუთაისში
ქუთაისში "თეთრი ხიდის" სარეაბილიტაციო სამუშაოების დასრულების თარიღი ისევ უცნობია.
16:55 / 18.09.2018






საქართველოს მასშტაბით კვლევა იწყება, რომელიც ოჯახების, ბავშვებისა
და ქალების მდგომარეობას, ასევე, წყლის ხარისხსა და სისხლში ტყვიის
შემცველობას შეისწავლის. 
საქართველოს მასშტაბით კვლევა იწყება, რომელიც ოჯახების, ბავშვებისა და ქალების მდგომარეობას, ასევე, წყლის ხარისხსა და სისხლში ტყვიის შემცველობას შეისწავლის. 
15:40 / 18.09.2018






ზესტაფონის მერი კახაბერ მახათაძე მერიის შენობაში  მივიდა,
თუმცა  ადგილზე  მყოფ აქციის მონაწილეებს არ შეხვედრია.
კახაბერ მახათაძეს კომენტარი არც მედიასთან გაუკეთებია.
ზესტაფონის მერი კახაბერ მახათაძე მერიის შენობაში  მივიდა, თუმცა  ადგილზე  მყოფ აქციის მონაწილეებს არ შეხვედრია. კახაბერ მახათაძეს კომენტარი არც მედიასთან გაუკეთებია.
14:16 / 18.09.2018






ქუთაისის მერიის ეკონომიკური სამსახურის უფროსი, გიორგი გიორგობიანი,
ეთნოგრაფიული მუზეუმის ყოფილ შენობას, რომლის შესყიდვასაც ბიზნესმენი
თემურ ჭყონია გეგმავს, უსახურს უწოდებს.
ქუთაისის მერიის ეკონომიკური სამსახურის უფროსი, გიორგი გიორგობიანი, ეთნოგრაფიული მუზეუმის ყოფილ შენობას, რომლის შესყიდვასაც ბიზნესმენი თემურ ჭყონია გეგმავს, უსახურს უწოდებს.
14:03 / 18.09.2018






სამშენებლო კომპანია
სამშენებლო კომპანია "სახლი #1", რომელსაც, შესაძლოა, ორი სართულის დემონტაჟი მოუხდეს, მერიის მიერ, კომპანიისთვის სასამართლო დავის მოგების შესახებ გავრცელებულ განცხადებას უარყოფს.
12:42 / 18.09.2018
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.

ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.