კვირის თემა
პროფესიას, რომელიც დიდ გაბედულებას მოითხოვს, ქუთაისში ბევრი წარმომადგენელი ჰყავს. 
სრულად
18:37 / 07.12.2018
მათ ჭრელი თავსახვევით და დიდი ჩანთებით იცნობთ.
სრულად
00:39 / 01.12.2018

ვალუტა
EUR
EUR
1
3.2172
GBP
GBP
1
3.6599
RUB
RUB
100
4.6518
USD
USD
1
2.7193
ახალი ამბები
კომა და შოკი – ექიმის რეკომენდაციები
კომა ეს არის მდგომარეობა, როცა ადამიანი არ რეაგირებს გარეგან გამღიზიანებლებზე და მისი ტვინი მხოლოდ სასიცოცხლოდ აუცილებელი ფუნქციების შესანარჩუნებლად ფუნქციონირებს.

ბევრს ღრმა კომა კლინიკურ სიკვდილში ეშლება.

კლინიკა "ლ.ჯ"–ის კრიტიკული მედიცინის განყოფილების გამგე, ქირურგი პაატა სირბილაძე განმარტავს, რომ კომის დროს ორგანიზმში სისხლის მიმოქცევა და სუნთქვა დამოუკიდებლად ხდება.

"მხოლოდ და მხოლოდ, ცნობადობის გამოთიშვასთან გვაქვს საქმე, ხოლო თუ რამდენ ხანს გაგრძელდება იგი, ამის პროგნოზირება, ჯერჯერობით, შეუძლებელია", – ამბობს პაატა სირბილაძე.

კომა ინსულტის დროს ვითარდება. როდესაც თავის ტვინი ჟანგბადის ნაკლებობის მდგომარეობაში დიდხანს არის, ცნობადობის, ცნობიერების სიკვდილი ხდება, თუმცა ორგანიზმი ჩვეულებრივად ითვისებს საკვებს, მუშაობს გული და პაციენტს სუნთქვაც შეუძლია.

რაც შეეხება შოკს, ამ დროს სისხლის მიმოქცევის ღრმა დარღვევა ხდება. შეიძლება, ადამიანს გულის წასვლა განუვითარდეს, რასაც სამედიცინო ენაზე კოლაფსი ჰქვია და ეს გარდამავალია. გულწასული ადამიანი, შეიძლება, უბრალოდ წამოვაწვინოთ და ჩვეული მდგომარეობა აღუდგეს.

პაატა სირბილაძის განმარტებით, თუ ეს პროცესი სტაბილურია და ასეთ მარტივ მექანიზმზე არ რეაგირებს, მაშინ შეიძლება, განვიხილოთ, რომ საქმე შოკთან გვაქვს.

"შოკს, რა თქმა უნდა, სიკვდილიანობის რისკი გააჩნია, მაგალითად, ტრავმულ, კარდიოგენულ შოკს და ა.შ, მაგრამ სამედიცინო ტექნიკისა და აზროვნების დახვეწასთან ერთად ასეთ მოვლენასთან გამკლავება უფრო და უფრო წარმატებულია", – ამბობს პაატა სირბილაძე.

ქირურგი მისი პრაქტიკიდან ისეთ შემთხვევებს იხსენებს, როცა გამოსავალი ლეტალური უნდა ყოფილიყო, თუმცა მდგომარეობა რადიკალურად გაუმჯობესებულა.

"განცვიფრებული დავრჩენილვარ, თავის ტვინის ღრმა დაზიანებების არსებობის დროს მძიმე მდგომარეობიდან როგორ გამოსულა პაციენტი", – აღნიშნავს ქირურგი.

ტერმინალური მდგომარეობა სხვადასხვა დაავადებების ფონზე შეიძლება აღმოცენდეს. ექიმების ცნობით, ეს შეიძლება, კარდიოგენული შოკის ან ნებისმიერი ინსულტის დროს მოხდეს. მათივე თქმით, მიზეზის დროულად არ გამოვლენის შემთხვევაში, ინსულტის რამდენჯერმე განმეორების რისკი საკმაოდ მაღალია.

"ამ ყველაფრის პრევენციისთვის კი აუცილებელია საზოგადოების განათლების დონის ამაღლება. ინსულტის, ან ტკივილზე დატვირთის დროს, სანამ ინფარქტი განვითარდება, აუცილებლად კარდიოლოგთან უნდა მივიდნენ და სპეციფიური ტესტები ჩაიტარონ", –ამბობს პაატა სირბილაძე.

მისივე თქმით, ტერმინალურ მდგომარეობას თავისი რისკ–ჯგუფები ჰყავს. თავის ტვინის ინფარქტი, უპირველეს ყოვლისა, იმ პაციენტებს უვითარდებათ, რომლებსაც მოციმციმე არითმია აქვთ. ამ დროს სისხლში თრომბის წარმოქმნა ხდება.

"რადგანაც ადამიანებს სუბიექტურად ნაკლებად აწუხებთ ეს პრობლემა, შორეულ პერსპექტივას არ განიხილავენ, რომ ეს, შესაძლოა, მათთვის მომაკვდინებელი აღმოჩნდეს", – აღნიშნავს პაატა სირბილაძე.

სიმსუქნე, მოწევა, შაქრიანი დიაბეტი, არასწორი კვება – ეს ის რისკ–ფაქტორთა ჩამონათვალია, რომელთაც სისხლძარღვოვანი დაავადებების განვითარება შეუძლიათ.

"მოწევა კლავს, როდესაც ვეუბნები პაციენტს, არ სჯერა. ესე იგი, რადგან მომენტალურად არ კლავს, ჰგონია, რომ ეს არ კლავს. მაგრამ მისგან გამოწვეული პრობლემები, რომლებიც ვითარდება სისხლძაღვებსა და ფილტვებში, დროში გაწელილია, თორემ თავისთავად ცხადია, წლების შემდეგ მისთვის ეს მომაკვდინებელი ან დამაინვალიდებელი მაინც იქნება", – ამბობს პაატა სირბილაძე.

მისივე თქმით, გამოსავალი ცხოვრების ჯანსაღი წესის დამკვიდრებაშია. მოსახლეობამ აქცენტი სწორ და ჯანსაღ კვებაზე უნდა გააკეთოს.

ნაკლები სტრესი და მეტი ფიზიკური აქტივობა– ასეთია ექიმის რეკომენდაციები.

| Print |  E-mail
FaceBook Twitter Google
დღის სიახლეები
"ქუთაისი 2010" სუპერთასის მფლობელია.
20:40 / 12-12-2018
2019 წლის 1 იანვრიდან მანდატურის სამსახურის თანამშრომლების ხელფასი 200 ლარით გაიზრდება.
20:00 / 12-12-2018
რა მოლოდინები აქვთ ახალგაზრდებს, როგორია მათი თვალით დანახული საახალწლოდ მორთული ქუთაისი.
17:47 / 11-12-2018
ბაღდათში, სოფელი როხში საცხოვრებელი სახლი დაიწვა.
00:26 / 11-12-2018
მსგავსი სიახლეები






შინაგან საქმეთა
სამინისტრომ საფრანგეთში 2 ქართველი

შინაგან საქმეთა სამინისტრომ საფრანგეთში 2 ქართველი "კანონიერი ქურდი", მათგან ერთ–ერთი ქუთაისელი დააკავა.

16:15 / 13.12.2018






18 წლამდე პირისთვის პიროტექნიკის მიყიდვა, შესაძლოა, ადმინისტრაციულ
სამართალდარღვევად ჩაითვალოს.
18 წლამდე პირისთვის პიროტექნიკის მიყიდვა, შესაძლოა, ადმინისტრაციულ სამართალდარღვევად ჩაითვალოს.
13:52 / 13.12.2018






ქუთაისელი მოსწავლე ანა ჯგერენაია კარნეგი-ჰოლის სცენაზე
იმღერებს.
ქუთაისელი მოსწავლე ანა ჯგერენაია კარნეგი-ჰოლის სცენაზე იმღერებს.
13:24 / 13.12.2018
ქუთაისელი მოსწავლე ანა ჯგერენაია კარნეგი-ჰოლის სცენაზე იმღერებს.
13:24 / 13.12.2018






ქუთაისელი მოსწავლე ანა ჯგერენაია კარნეგი-ჰოლის სცენაზე
იმღერებს.
ქუთაისელი მოსწავლე ანა ჯგერენაია კარნეგი-ჰოლის სცენაზე იმღერებს.
13:24 / 13.12.2018
კალენდარი
«« დეკემბერი 2018 »»
2627282930 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.

ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.